fbpx

First published on Facebook on Saturday, July 11, 2009 at 4:34pm

قلّي: بتعرف شو…..؟
قلتلّو: لأ….شو؟…..


قلّي: نحنا منكون كتير قوايا…..إذا منعوّد حالنا إنّو…
…ننام نحنا وقاعدين…..
قلتلّو: شو؟….العما ليش؟


قلّي: لأنّو في كتير عجقة بحياتنا….
هيك لمّا يكون معنا شوية وقت…وقاعدين….
هيك منّام…


قلتلّو: صحيح..معك هقّ…..
منكون كتير قوايا إذا فيني نعمل هيدا الشي…..


رجع قلّي: بتعرف شو؟
قلتلّو: شو؟
قلّي: كمان منكون كتير قوايا…..
إذا فينا ننام نحنا وواقفين…..


قلتلّو: أوفف…..نحنا واقفين؟


قلّي: إي…..هيك إذا ما كان معنا وقت نقعد….
فينا نوقف وننّام….


قلتلّو: إي بس…لازم عالقليلي نكون لاقيين عشي حيط…..
أو عشي تاني….
قلّي: إي مش مشكلة… منلقى عالحيط… ومنّام……


بعدان رجع قلّي: بتعرف شو كمان ؟
قلتلّو: لأ…شو…..


قلّي: أقوى شي…أقوى شي….
إذا منقدر ننام وعيوننا مفتّحين……
قلتلّو: كيف….؟
قلّي: إيه….هيك إذا كنّا بشي إجتماع بزهّق…فينا ننام…
بلا ما حدا يلاحظ……
وفينا نبلف العالم كلها….


قلتلّو: إي…..صحيح…..معك حق…عفاك…
بصير فينا نبلف العالم كلّها….


قلّي: طيّب…هودي لازم نزيدن عال” الليستا” ….لنتمرّن عليهن….
قلتلّو: إيه…..منزيدن ما في مشكلة…..


رجعت أنا قلتلّو: دخلك بخصوص هيدي ال” الليستا”…..
وين صارت أراضيها؟….
ما بسمع غير إنّو لازم نزيدن عال” الليستا”….
هيي ّ ال” الليستا” موجودة يعني عن حقيقة؟….
ولاّ بس موجودة بحديثنا؟…


ليك إذا موجودي عن حقيقة….
دخيل عرضك زيدن…..
وبسّ تزيدن…دخيل عرضك…
خزّق ال” الليستا”….وامحيها من الوجود…..


إحتراماتنا….

johnnyhage

View all posts

Add comment

Your email address will not be published. Required fields are marked *