“فلسف”

ملاحظة: هيدي مقالة طويلي….فطّولو بالكن عطول المقالة….

“فلسف”

أنا رح قلكن شو قصّة هالمصاري….

هيّي بلّشت مع واحد……
…..واحد……
لنّو طبيب…ولنّو مهندس….ولّنو كهربجي…
ولنّو فنّان…ولنّو زبّال…..لنّو شي…..
هيدا واحد…متفلسف….
ببساطة…. متلفسف….

كان حاسس بضرورة قصوة….إنّو بدّو يخترع شي…..
لازم يخترع شي….مش مهمّ شو…
بسّ كان لازم يخترع شي…..

وبما إنّو ما في ولا وظيفة بإيدوا…..
…وبما إنّو…. هوّي متفلسف زيادة عن اللّزوم
قام راح جاب ورقة…. وقصّها شقف صغار ….
وحطّ عليها تصميم…وكم صورة…
وكتب عليها كم كلمة……
وسمّاها…”مصاري”

وبلّش يتفلسف…..

رجع قام طلع بنظريّة ….
قال…إنّو هيدي المصاري….
رح بصير فينا…
نشتري فيها….أكل….وشرب…..
وصحون وكبّايات….وسطولة حتّى…
وكلّ أنواع الغراض….والتياب….
والبنايات…..والبشر كمان…
وحتّى فينا….إذا بدنا….نشتري فيها هوا….

هيدي الخبريّة لفتت أنظار الكلّ….
…وعجبت الخليقة….
وصار كلّ هالعالم…..بدّن مصاري…..

فراح صديقنا يطبّع بهالورق ويلزق بهالصور…
يطبّع بهالورق ويلزّق بهالصور…
بعدان إجو طلبو منّو…..
إنّو يخترع أنواع مصاري أكتر….
ويعمل لكل بلد مصرياتّو الخاصة فيه….
هيك ما بتخبص على المدى الطويل….

فطلعت العملات…..
وصار في عنّا دولار…واسترليني….ويان…
ويورو…..وليرة لبنانيّة حتّى…
وصار عنّا تصريف عملات… وفرّخت وظيفة جديدة….
هيّي وظيفة الصّيرفة

طيّب هيدي قصّة المصاري…..

هلّق حابب خبّركن قصتي أنا….

أنا كمان…هلّق….
لنّي طبيب…ولنّي مهندس….ولّني كهربجي…
ولنّي زبّال…..ولنّي شي…..
وحابب بلّش إتفلسف….

وبدّي إخترع عملة لئلي….
إي….عملة لئلي…

….وبدّي سمّيها “فلسف”
….بالأجنبي يعني Falsaf
وكلّ “قلسف” رح ييصير يساوي دولار واحد….
يعني كلّ 100 “فلسف”… بتعمل 100 دولار
منيح هيك؟…..

وبدّي كمان….قصقص بهالورق…
…وطبّع بهالتصاميم……
وكلّ واحد بقرّب عتصميم الفلسف تبعي….
هيدا بكون عم بيزوّروا…
وبالتالي….رحّ آخد تدابير قاسية جدّاً…جدّاً…جدّاً بحّقّو….

وكبداية….
وبهدف إنّو تمشي عملتي….
رح أعمل حملة تسويقيّة:
كلّ واحد بيشتري منّي فلسف….
رح يطلعلو فلسف مجّاناً…..
وأنا حالياً عم فكّر إشتري شقّة بمنطقة بيروت…..
ومستعدّ إدفع حقّها 1000000 فلسف…نعم مليون فسف
وبسبب العرض التسويقي…
…البايع رح يطلعلو 2000000 بدل ال1000000…

وأنا أكيد إنّو عملتي رح بتمشي….ورح بتركض…
وأنا أكيد إنّو في عالم رح تعجبهن الفكرة….
ورح ينزلو شراية بهال”فلسف”
لذلك لحقوا حالكن…..
وكلّ واحد منكن حابب إنّو يشتري….
خلّيه يتفضل….رجاءً….يعلمني….
لأنّو الكميّة محدودة…

يلاّ…..مين قال انا؟….

إحتراماتنا…