fbpx

ANA MEEN

انا…..يا جماعة
واللّه يسترني من كلمة أنا
– أنا مشروع فنّان – غير مكتمل
وغير قابل للإكتمال
قيد التطوير….. دائماً
على أمل إنّو صفّي
– فنّان مشروع –
يوماً من الإيّام

أنا ….وألله يسترني من كلمة أنا
أنا بكتب
إنّو كاتب إشيا بحياتي
بكتب…بالدارج…..متل ما “أنا” بحبّ إكتب
هلّق ممكن كتباتي تكون حلوي….وممكن لأ
ممكن تكون إلها طعمة…..وممكن لأ
ممكن ببساطة تكون…بلا طعمة
مش مشكلة
وبالإجمال بالإجمال… كتباتي موجودة عهيدي المدوّنة…

كمان أنا…واللّه يسترني من كلمة أنا
أنا بعمل ستاند أب كوميدي بالعربي
والمفروض فيني كون بضحّك
لكن بيناتنا… هيدا شي مش مضمون
أصلاً بالحياة ما في شي مضمون

كمان أنا…..وألله يسترني من كلمة انا
أنا ممثّل مسرحي
إنّو ممثّل إشيا بحياتي
بمثّل عالمسرح
بمثّل باللّبناني الدارج…..وباللّي مش دارج كمان
وبمثّل عالعالم أوقات

إيه وعفكرة
أنا حالياً عليش بكندا
بمدينة جميلة بسمّوها الكنديّي مونتريال
وإسمها الأساسي قبل الإستعمار”تيوتيهاكي”
برجي الجوزاء
وطولي 170… وما بعتقد رح أطول بقا
ووزني غير مستقّر… بيتأرجح مع العمر
والأكل والشرب والدخان والضحك

وأخيراً… أنا وأللّه يسترني من كلمة أنا
أنا باحث
باحث…ببساطة… لأنّي …بحالة بحث دائم
عن كلّ شي بحسّوا مهمّ…. ولازم أعرفوا بهالحياة
باحث….وبعدني عم ببحث…. وبعتقد رح ضلّ

إحترماتنا

تابعوني