كنّا عاملين مؤتمر صحافي بالجامعة الأميركيّة ببيروت….
وكان في دكاترة….وعمدة….ووزراء…ونوّاب….
وفعاليّات….وشخصيّات….ومعلمات…وأساتذة…وطلاّب….
وكلنا…عم نتفضّل وعم منطالب إنّو الدولة اللّبنانيّة….
تمنع التدخين بالأماكن العامة…..
هلّق كان بيناتنا ناس عايشينا للآخر….
وعم بطالبوا بعنفوان…
وفي ناس…متلي أنا….
بدّن إنّو هيدا الشي يصير….
ولو إنّو هنّي بدخنوا…..من وقت للتاني…
لكن بحال..بكرا إذا صار…
هنّي مستعدّين…يوقفوا تدخين بالأماكن العامّة….
وكان في دروس وأبحاث… تحضّرت…
للمؤتمر نفسوا…
بتفسّر…كيف إنّو الدخّان….
عم بخسّر الدولة من كلّ النواحي…
تجاريّاً…و صحيّاً….
بالإستراحة……بال Break يعني
طالع كنت أنا عند “أبو ناجي”…
هيدي الدكّاني اللّي بوج الجامعة….
لإشتري شي شغلة آكلها….
ف…بلاقيلك صبيتين…..
طوال…..
لابسين قصير…..
ولابسين كعب عالي…..
ولابسين تياب عم بضوّوا….
ولابسين عوجّن “مايك أب”…
وعاملين ضفير إيدين وضفير إجريهن كمان… عآخر طرز…
وراسمين ضحكة عوجّن….
يعني بيفلئوا….
يعني ما بكون عم ببالغ إذا بقلكن…
إنّو بشدوّا أتخن شبّ…
قرّبت أنا …ولوهلي….
نسيت شو جايي أعمل عند أبو ناجي….
بتشرّف وحدي منّن…
وبتقلّي بصوت ناعم وحنون…..
“إنت أكيد بتدخّن مسيو …
…..فيني إسئلك كم سؤال؟….”
إنا اللّي أكيد منّّو….
إنّو إذا إجت صبيّة هيك …بهالوضع….
وسألتك سؤال هيك… بهالوضع…..
ولو إنّو… إنت كنت ما بتدخّن….
رح بتتشخشب….
وبهالكم ثانيّة اللّي معك ياهن لتفكّر قبل ما تجاوب ….
رح بتضيع….
ورح بتعطيك حضرة جنابها….علبتين دخّان ببلاش…
ورح بتاخدهن…
ورح بترجع عالمؤتمر….
وطالعة ريحتك دخّان..
ورح بتلاقي هونيك… تلات رباع الرجال….
بالمؤتمر….
مدووخين….
ومدخنين…
وعم يحكوا…
عن الصبيتين اللّي واقفين قدّام دكّانة “أبو ناجي”….
إحترماتنا….
3a2bel ma tendewikh 3anjad bi chi wehde for good :p
shoukran ya rouba….bokra lamma endewikh…ra7 edwekhik fiya…Ihtirametna:)
Good one!!
its been a Moda now !
girls , men ajmal l banet,
badal ma yle2o shi Mu7taram ya3emlou
3am yobormo “lebsin make up”
just to impress people
and to let them try their product..
And Not only with Dekhan it is happening
with Toothpastes too
with Phone companies
with Shampoo
..