الغلط من الفرنساويّة

بفرنسا…أخدوا قرار…قال بدّن يقطعوا الكهربا….

عن الأتوسترادات البعيدة عن المدينة……

إجا صديقي من شي يومين…وبشّرني بهالخبرييّ …

ومبسوط وعم يضحك…..

“ته…شو….شو هالخبرييّ هيدي……..

وليش باسطتك هالقدّ مش فهمان أنا…..

إنّو قطعة الكربا هالقدّ بتفرّح يعني….”

فقام….فسّرلي زيادي….وفهّمني إنّو…

الدولة الفرنسيّة…. اكتشفت

إنّو قطعة الكهرباء عن هالأتوسترادات…..

بتخلّي فرنسا توفّر 40% من مصروف الكهرباء للبلد….

وزيادة عن هيك….

اكتشفت…إنّو مع قّطعة الكهربا….

حوادث السير رح بتقشط 30% …

 وفرنسا رح بتسير أكتر أمان وطمأنينة”..

وضلّوا صديقي عم يضحك…..

ورجع قلّي….

“يا حرام عليهن شو مأخرين…..

حرام ليك وين بعدن…..

نحنا عنّا بلبنان.. هيدا الإكتشاف…

مكتشفينوا من شي 20 سنة….

الكهرباء مش بسّ بيقطعوها عن الأتوسترادات البعيدة….

إي…بيقطعوها عن الأتوستراد كلّها…اللّي بعيدة والقريبة كمان…..

بسّ مدري كيف ….عنّا الحوادث…

عم بتزيد بدل ما تقشط…..

ما بعرف ليّ….

يمكن لأنّو…..ما بعرف….

وشركة الكهربا…كمان مدري كيف….

متعوس عقلبا….ما بتوفرّ… لا 40% ولا 30% ولا 20% من مصروفها….

بالعكس…نازلي بدين مش عارفي كيف بدّها تطلع منّوا….ومندندلتنا معها كمان…….

ف…

في عنّا حلّ من اتنين…

يا أمّا إكتشاف الفرنساويّي غلطّ ومش مظبوط….

يا أمّا نحنا الوضع والبلد عنّا…

غلط ومش مظبوط…..

أنا بقول….الغلط من الفرنساويّة….

إحترماتنا….