fbpx

هلّق افهمت ليش شارع الحمرا…
هوّ أجمل شارع بالنسبة إلي…بلبنان…..
هلّق افهمت ليش كنت حسّ…..
إنّو في شي غريب بهالشارع……

هلّق افهمت إنّو…..
مسرح ال”بيكاديللّي” هيدا المبنى المتواضع عنّا….
هيدا أصلو أجنبي….
ومسمّايينو عإسم منطقة…
إلها أوّل وما إلها آخر….
بلندن….
هيدي المنطقة فيها مسارح ليوم المسارح…..
ومطاعم ليوم المطاعم….
وبنوكي ونايت كلوبات…..ليوم البنوكي والنايت كلوبات…..

هلّق افهمت إنّو…..
ال”ماي فار”….هيدا الأوتيل اللّي كانو معمرينو….
وهبّطوا…مدري رمّموا…مدري شو رجعوا عملو في….
هيدي كمان منطقة مهمّة بلندن….
في بقلبها جنينة ضخمة إسمها “هايد بارك”….
وجنينة تاني فستوكة…إسمعها “غرين بارك” –
غرين بارك بتشبه كتير جنينة الصنايع…من ناحية المساحة بسّ مش أكتر-

هلّق افهمت إنّو…
ال”تروكاديرو” هوّي مبنى ضخم موجود بمنطقة ال”بيكاديللّي” أصلاً…

هلّق افهمت إنّو…
سينما “الستراند” اللّي عنا بالحمرا…..
إسمها جايي من شارع ضخم بمدينة “لندن”…
حدّ ال”كوفنت غاردن” – وهيدي سوق ضخم للمشتريات…من وقت للتاني بتنبّذ فيه فجأة عروض فنيّة عالطرقات…هيك فجأة…

هلّق افهمت…إنّو ال”بريستول” ما خصّو ب 14 آذار….
هيدا خصّوا بمدينة بإنغلترا متل “لندن”…
لكن بعيدة عنّا شي ساعتين…بالتران….

مش رح زيدها عليكن أكتر من هيك…..
لكن حبّيت إنّي خبّركن إنّو هلّق فهمت….
إنّو بالإجمال….
الحمرا هيّي “مينياتور” عن “لندن”…بالأسامي بسّ….

و بالإجمال…..
كلّ بناية مهمّة بشارع الحمرا….
إسمها عإسم منطقة بتاخد العقل….بإمّها وأبوها….ب “لندن”….
وبتزيدها أهميّة بأشواط وأشواط وأشواط للبناية اللّي عنّا….

الحمرا على ما يبدو….مصغّر عن بريطانيا على سلّم 1 ع 10,000…
ومنشان هيك….الظاهر….أنا بحبّها هالقد….
ف..اتفضّلوا اتخايلوا….بعد كلّ هالشرح…..إذا الحمرا هالقدّ بحبّها….
قدّيش لكان…رح اطلع بحبّها ل”لندن”…..
أوف…..كتير….
كتير….و على سلّم 1 ع 10,000…

عفوقة……
حابب إلفت إنتباه الدولة اللّبنانية والمستثمرين….
إنّو للصراحة…بعد ناقصنا بنايتين بالحمرا:
وحدي لازم انسميها “كينسنغتون”
والتانية…. “برتوبيللّو”
ساعتها بتكمل….

يلاّ…بسيطة…انشاللّه خير….
أللّه كريم…..

إحترماتنا….

johnnyhage

View all posts

Add comment

Your email address will not be published. Required fields are marked *