ما بيصير هيك

كلّ يوم…..بقول…..
إنّو بكرا بدّي بلّش نظّم حياتي…..
لأنّو الفوضة مصفّاية كتيرة…..وما بيصير هيك…..

وكلّ يوم…بوعا…..
عصوت المنبّه بوعا…..
ومن أوّل ما إفتح عينييّ…..
واستوعب إنّو هيدا انهار جديد….
بلاقي إنّو في شي ميّة شغلة… ناطرتني….

وببلّش إركض…..وإركض….وإركض…..
لحتّى ما ينقطع نفسي……
ولمّا حسّ إنّو خلص….و إنّو ما بقى فييّ بقا……
بلاحظ إنّو الوقت صار مأخّر…
وبلاحظ كمان…. إنّو صار لازم نام…..
لأنّو بزيادي ركض ليوم واحد…..

ف….بفوت….بنام……
وحاطط براسي…ومقتنع…..
إنّو أكيد بكرا…..أكيد…بكرا…
بدّي بلّش نظّم حياتي……

وتاني يوم….. بوعا…..
عصوت المنبّه بوعا…..
ومن أوّل ما إفتح عينييّ…..
واستوعب إنّو هيدا انهار جديد….
بلاقي إنّو في شي ميّة شغلة ناطرتني….

إحترماتنا…