كتير عم بركض

مبارح لاحظت إنّي كتير عم بركض…..
عم بركض لدرجة إنّي صفّيت عم بلهت من كترة الرّكض….

لكن المشكلة إنّو ما فيني خفّف….
ولا فيني وقّف….
لأنّو أنا مش عم بركض محبّةً بالركض….
ولا إنّو عم بركض بهدف اللّياقة الجسديّة….
ولا حتّى للراحة النفسيّة…..
أنا عم بركض…..
لضلني ملحّق سيطر على شو عم بيصير بحاتي….

لأنّو آخر فترة…
حياتي مصفّاية اخبار ومشاريع وحركات…..
وبشكل مكثّف…
ومصفّى أنا… إذا ما بركض…
ما بلحّقلها….

فضروري ضلني عم بركض…
لأعرف حياتي وين آخدتني…..

إحترماتنا…