غريب

غريب كيف في ناس…..أوّل ما تتعرّف عليهن ….
بتكون شايفهن ومش مصدّق……
وبتكون معظّمهن….لدرجة إنّو ما بتكون شايف غيرن بقا….

وغريب….كيف إنّو…كلّ ما تصير تعرفهن شويّ أكتر……
العظمة اللّي عندك ياها عنّن….
بتبلّش تخفّ…وتخفّ…وتخفّ….
وتضمحلّ… لتختفي بالمرّة……

من تاني ميل…

في عندك نوع من الناس….
بتكون ما بتعرف شي عنّن…..
لكن…
ولسبب من الأسباب المجهولة…
بكون عندك فكرة عاطلة عنّن….
أو بتكرهن بركي…
أو بتحتقرن يمكن…
ومش بعيدة كمان….
مش بعيدة…إنّو تكون مش قاريهن حتّى…..

وغريب…كبف إنّو… كلّ ما تصير تعرفهن شويّ أكتر…
بتصفّي معظّمهن…..وشايفهن ومش مصدّق…
لدرجة إنّو ما بتصير شايف غيرن بقا….

إلاّ إنتِ…

إنت…صرلي بعرفك… فترة طويلة جدّاً….جدّاً….جدّاً
وبعدك بالنسبة إلي…..نفس الشي….
لا عم تعرفي تبهريني…
ولا عم تعرفي تكرهيني فيكي….

إنّو يعني شو بدّك؟
فهميني شو بدّك؟…..
اتفضّلي خبريني شو القصة
لأنّو حيّرتيني…..

شو؟

إحترماتنا…