تركولي هالتخوتة

من يومين تلاتي….ما بتذكّر أيا نهار عالمظبوط….
يمكن الأسبوع الماضي حتّى…..
كنت راجع من تمرين مسرحيّة
وعم بتمشّي أنا وزميلتي بشارع الحمرا….

كانت الساعة عشرة تقريباً….عشرة المسا…..
وعم نتحدّث…و عم نتمشّى……
وما بعرف كيف سَرَحنا بالحديث….
وصفّت هيّي عم بتخبّرني…
كيف إنّو البنت اللّي بتشتغل عندن بالبيت….كتير بتهتم فيها…
وكيف إنّو كلّ يوم….
ما بتلحّق زميلتي تقوم من النوم…..
بتكون البنت زبّطتلها تختها ورتّبتو….

هون أنا…انهزّيت كلني سوا…..

لاحظت إنّو أنا…..صرلي 8 اسنين….
من لمّا صرت ساكن لحالي يعني…..
…صرلي 8 سنين …..ما رتّبت تختي…..

بعدان دخلت بتحاليل عميقة وشخصيّة….
بيني وبين حالي….
واستنتجت إنّو….أنا معي حقّ….
وإنّو اللّي صرلي 8 اسنين عم بعملو….
هوّي الصحيح…

لشو الواحد برتّب تختوا؟….

لشو الواحد برتّب تختوا كلّ يوم؟
ما كلّ يوم بدّو يرجع ينام…..ويفشكلوا عن جديد….
بعدان هات تنفترض إنّو تختك منّو مرتّب…..
مين هيدا يللّي بدّو يجرصك؟….
شو هالقصّة العويصة يعني….
ما هوّي هيدا التخت….
ما حدا رح بنام عليه غيرك…..

إنت….
وهيّي…..

وهيّي…. لما تجي تنام عندك….
آخر همّا بكون التخت إذا مرتّب أو لأ….
همّا بكون بشي تاني…..

إي…..

وأسرع العمليّة بتصير ….
إذا كان منّوش مرتّب….

إي…

..ف…تركولي هالتخوتة
…بلا ترتيب إذا بتريدوا…

إحتراماتنا….