برسم الزواج

اليوم…هلق من شويّ يعني…
كنت عم بتغدّا مع زملائي بالمكتب….
وكان صرلنا فترة مش آكلين سوا…..
مع إنّو بنفس المكتب….
بس ما كانت عم بتسائب….
ف…اليوم رجعت وسائبت…..

كانوا عم يحكوا هنّي عن البيوت…..
وقدّيش صاروا غاليين البيوت……
وكيف إنّو زميلي….هوّي كان قاعد معنا عالطاولة….
رح بجنّ لأنّو مش عم بلاقي….
بيت بسعر معقول…..
مش بس رح بجنّ….تمسح كمان….

وكلمة جرّت كلمة….
وحديث جرّ حديث…..
حكينا عن إنّو يمكن بكرا بيرخصوا البيوت….
وحكينا إنّو يمكن لأ…..
كمان حكينا إنّو أكيد إذا علقت بيرخصوا….
وحكينا إنّو هلّق مش هيئتها رح تعلق….
وحكينا…وحكينا…وحكينا….
وما بعرف كيف وصلنا على إنّو….
…. نحنا الرجال….بهالحالة الزفت….
بيوت… مش قادرين نشتري بقا…..
لكن كلّ شي قادرين نعملوا…
هوّي إنّو نعرض حالنا للزواج
صحيح…نعرض حالنا للزواج….

هيدا إعلان….منّي… ومن زميلي….
ومن كل الرجال اللّي كانوا قاعدين معنا عطاولة الغدا….

إنّو… نحنا برسم الزواج…….

المطلوب:
صبيّة….
بيّا مأمنلها بيت..
أو شي بيشبهوا..يعني شقّة…أو فيلاّ…أو شاليه…أو حتّى ستوديو…
فيها تكون حلوي…بس مش ضروري
فيها تكون مهضومة…بس مش ضروري
فيها تكون لبنانيّة…..بسّ مش ضروري….

لكن…. ضروري ضروري ضروري جدّاّ…
يكون عندا بيت….
(وأهلا مش ساكنين فيه عفكرا….إيه)

فيا صبايا…شدّوا الهمّة…..
نحنا رجال آخر زمن…..
برسم الزواج…

إحترماتنا….