fbpx

First published on Facebook on Sunday, July 19, 2009 at 10:08pm

مبارح كنت بإحتفال خرّيجي طلاّب
الجامعة اللّبنانيّة الأميركيّ
المعروفة كمان بال LAU……


أنا ما كنت عم بتخرّج….
أنا كنت عم غنّي مع ال CHOIR…


آه…نسيت خبّركن إنّو أنا….
بلّشت غنّي مع الCHOIR تبع الجامعة….
مش لأنو صوتي حلو…..
لكن لأنّو في نقص بالأصوات بشكل عام….


صوتي أنا عادةً….ما بينسمع
لكن بالCHOIR بيمشي حالو…..
لأنّو بيغطّو عليه بقيّة الأصوات….
وبصفّي كمان…ما بينسمع……


إي…فمبارح كنت بإحتفال خرّيجي طلاّب ال LAU
وكان في حوالي 4000 شخص….


كلّن عم بهوّوا بالكاتالوغات اللّي مفرقينها للعالم
واللّي مكتوب فيها كل الأسامي اللّي تخرّجوا….
عم بهّووا لأنّو كان في شوب كتير…..


آه…نسيت خبّكرن إنّو كان في شوب كتير…..
وكنّا دايماً نسمع كلمات: فطيس….موت أحمر….وشوب كتير…


من بين الطلاّب اللّي تخرّجوا…..في شي 700 طالب
دارس إدارة أعمال…….
ولاحظ الجميع إنّو كتار 700…. وصفّوا الكلّ عتلانين همّن….
على إنّو كيف هودي رح بلاقوا شغل بالمستقبل….


بعدان لاحظت أنا…
إنّو اللّي تخرّجوا بشهادة المسرح…..
بيطلعوا 3 أشخاص….
وبما إنّو أنا عم بدرس مسرح…..


أه… نسيت خبّركن إنّو أنا عم بدرس مسرح…..


إي… وبما إنّو أنا عم بدرس مسرح…..
صفّيت عتلان همّن لهودي ال3 …..
على إنّو كيف حرام هودي….
بدّن بكرا….يلاقو شغل بالمستقبل…..


وأنا بشارطكن إنّو بكرا ال700 بلاقوا شغل….
وال3 البقيّة….بيقعدوا سوا….
وبيكتبوا مسرحيّة…..
عن…البطالة…..


إحتراماتنا…..

johnnyhage

View all posts

Add comment

Your email address will not be published. Required fields are marked *