fbpx

First published on Facebook on Sunday, August 2, 2009 at 1:54pm

قصيّت شعراتي من شي 10 ايّام……
فبيّن شكلي كأنو عمري 12 سنة…..


فكّرت…بيني وبين حالي…..
إنّو هيدي…مش حالي….
وقررت …..كمان بيني وبين حالي…..
إنّو لازم ربّي دقن…..
هيك ببيّن أكبر شويّ…..


ربّيت دقن…..لكن ما عجبني……
فقلت……بيني وبين حالي….
لازم زَيحو….هيك ببيّن أرتب…..
وما بدّي روح عند الحلاق…..
لازم إتعوّد زيحو لحالي…..


رحت وقفت قدّام المراية……
وقرّبت مزبوط عليها…..
لدرجة صرت عم شوف
دقني….كلّ شعرة بشعرتها……


جبت الشفرة……
مع إنّو أنا كنت بفضّل زيّح بالموس……
لكن آخر مرّة استعملت الموس…..
شطّبت حالي….
ف فكرة الموس…بطّلت “موس تحبّة”…..


جبت الشفرة…. ونزلت تزييح…….
شي نص ساعة وأنا عم زيّح…..
وركّز….واتطلّع…..وحرتق…..وقصقص…..
وظبّط…..ورستق……واتفلسف….وقيّس…..


لمّا اخلصت….طِلعت دقني لَوقة…..
ومش مزبوطة…..


قمت شلتها كلّها
واتركت سكسوكة……
…سكسوكة شويّ لَوقة…..
بس أنا أكيد إنّو ما حدا رح يلاحظ…..
شو العالم ما عندن شغلي
غير إنّو يلاحظو إذا سكسوكتي لوءا…..


ومن وقتها….من شي عشر إيّام يعني…..
قرّرت إنّو من هلّق ورايح…..لازم….
“أعطي دقني للحلاّق ولوّ أكل نصّها”…..


عالقليلي….هيك بيطلعلي …..
سكسوكة….مزيّحة مزبوط….
وبشوف حالي فيها…..
مش سكسوكة…. لوءا…..

 

إحترامتنا…..

johnnyhage

View all posts

Add comment

Your email address will not be published. Required fields are marked *