قال بدنا نصير نعمل “بودكاستينغ Podcasting”…
هيدي يعني نسجّل صوتنا ونحطّو عالإنترنيت…
جينا لنعمل “بودكاستينغ “….قامت راحت الكهربا…
ونحنا عنّا بالمكتب… بسّ تروح الكهربا…
بتروح معها الإنترنيت…
هلّق هات اي نطور… لترجع تجي الكهربا…
وتجي معها الإنترنيت…
لنقدر نحنا نعمل “بودكاستينغ Podcasting”…
غيّرو وزير الكهربا عن جديد هنّي هلّق…
يمكن تصير تجي الكهربا أكتر يعني…
لكن يمكن إنّو ما تجي بالمرّة كمان…
هنّي مظبوط جابو وزير كهربا جديد…
بسّ مش ضروري إنّو الكهربا تجي معو…
يمكن يجي لوحدو هوّي…
ويمكن…
يمكن ال”بودكاستنغ Podcasting” ما يمشي حالها…
إي…
يمكن هيّي فكرة تعيسة من الأساس… بهيك بلد…
إحترماتنا…
Add comment