fbpx

بما يخصّ آخر أحداث ويكيليكس….

أنا تبيّنلي إنّو الكذب بدمّن يا خيّي….

مش إنّو كذّابين عن غير قصدن…

لأ…كذابين عن قصد…

وبكلّ عين وقحة كمان….

وهيدا الإنتربول الدولي….هيدا مسخرة…

هيدا مسخرة على نطاق دولي….

إجا إستاذ “جوليان أسانج”…

ونشر يللّي بدّو ينشرو…..

وحطّ النقط عالحروف…..

وخبّر الخليقة بما فيها…

عن قدّيش السياسي كذّاب…..

انتبهوا….هوّي فضح الأميركان…..

بسّ الأميركان…كانو عم يجتمعوا….

مع غير الأميركان….

وتلات ارباع العالم هلّق…ماشيين مع الأميركان…

كمان انتبهوا…الربع الباقي…

مش يعني أوادم هودي….

لاه….أوعا تغلطوا….

الفرق إنّو هودي….

ما كانوش يجتمعوا مع الأميركان….

وما إجا حدا يفضحن بعد…..

هلّق اللّذيذ بالموضوع…..إنّو ما حدا استرجى يتذاكى….

ويجي يدّعي…إنّو هودي الوثايق مش مظبوطين…

أو كذب مثلاً…أو نَفاق…أو ما بعرف يمكن مزوّرين…

لاه….

كلنا متّفقين….إنّو الوثايق صحيحة ميّة بالميّة…

وإنّو الوسخنة بين الدول…

هيدي وسخنة بكلّ ما للكلمة من معنى….

مش هون المشكلة…

المشكلة إنّو…..

كيف هيدي الوسخنة تسرّبت للإعلام….

قامت الدول…. صفرنت…

واتدخّل الإنتربول…..

انتبهوا..اتدخّل الإنتربول الدولي….

ليشوفوا بأيّ تهمة بدّن يلزقوا للزلمي…

تما يعدش يسرّب هيك وسخنة…

لأنّو بنظرن…هوّي صار عم بتوسخن هلّق….

يمكن يلزقوه بتهمة….

التحرّش الجنسي بالسويد….ب “آب”….

من آب كان بالسويد الإستاذ…وهلّق بهالحشرة…

فاقوا الجماعة يلقطوه للتحقيق….

أو يمكن يلزقوه….

بنشر السياسة الأميركيةّ الوسخة للعلن…..

المشكلة مش بالسياسة الأميركيّة الوسخة….

المشكلة بالعلن….

 ما بعرف بشو رح يلزقوه…

بسّ بعرف…إنّو رح يلزقوه….

هلّق أنا…من ميلتي أنا…ريّحت بالي شويّ…

لأنّو كنت مفكّر إنّو لبنان وحدوا ملتعن عرضو….

طلع إنّو لاه…..

وينك وين…..

إحترماتنا….

johnnyhage

View all posts

Add comment

Your email address will not be published. Required fields are marked *

  • ana sara7atan 7abbeit el soura elly laza2ta .. w eikher hammi bi shou ra7 yelez2ou lal zalameih …
    w ya wayelna 3al wikiliks …

    salam

  • ana sara7atan 7abbeit el soura elly laza2ta .. w eikher hammi bi shou ra7 yelez2ou lal zalameih …
    w ya wayelna 3al wikiliks …

    salam ?

  • stumbled upon your blog not too long ago w bas bidi a7ki ino 7abeto kteer.
    Good job on the voice recordings, you might become the next ziad rahbani if you work more on it.. mish b3eed ya3ni.. very interesting writing style and i was mesmerized by your ‘ma kanosh’ and ‘ta ma y3odsh’ ..