كيف بدّك تفسّرلها…
كيف بدّك تفسّرلها للصبيّة اللّي بشتغلّ عنّا بالبيت؟
لمّن قلها إنّو بدّي إلبس تي شيرت مع الجينز…
وتيجي هييّ ترشدك وتدلّك ع محّل التيشيرتات بالخزانة…
وتقوم حضرة جنابك تفلفش التيشيرتات وحدة وحدة….
شي عشرين وحدة تفلفشها….
وترجع تقوم قدّامها…متل الطريش وتقلّها ما في عندي تيشيرت بتنلبس؟
طيّب… كيف بدّك تفسّرلها للصبيّة هيدي المعضلة؟
شو يعني؟ ما في عندي ولا تيشيرت بتنلبس؟
هودي ال 20 تيشيرت اللّي ناتعن بالخزانة، شو؟
وإذا ما بينلبسوا…ليش ناتعن صرلك كم سنة… ورافض تتخلّى عنن؟
وقفت هيّي هيك ضايعة…عم بتبحلق فيّي؟
راسها مش عم يقدر يفرز المعلومات اللّي عم ب تلقوطهن…؟
شو بدّك ياني قلّها ؟
هل يا ترى عم غيّر ستايل؟ أو إنّو الموضة تغيّرت؟
أوإنّو جبتهن بالغلط؟…أو إنّو كانو حلوين وبطّلو…؟ أوّ إنّو ما بقا يليقو فيّي…
أو بكلّ بساطة…
…بخبّرها…. إنّي عم صفّي واحد ممحون؟
لأنّو بيناتنا… أنا مش شايف إنّو قي سبب…. غير هيدا السبب…
إحترماتنا…
Add comment