مبارح… صار في عنّا تبادل أسرى…
إجا خمس أسرى لبنانيّي… وعدد كبير من الشهداء…
بطبيعة الحال… أكيد… انا كنت كتير مبسوط باللّي صار…
أنا ونازل عالشغل مبارح… لأنّو مبارح كان عندي شغل…
كان عندي شغل… ولو إنّو البلد كلّو كان مسكّر…
لأنّو بيظهر المؤسّسة اللّي أنا بشتغل فيها…
مش كتير بيعنيلها موضوع الأسرى…
فكنت نازل…
وإذ بتفاجأ… إنّو الطرقات فاضية…
هوني أنا… انبسطت أكتر من ما كنت مبسوط…
لأنّو وصلت عالشغل بسرعة… ومن دون عجقة…
ابتسمت… وقلت بيني وبين حالي…
يا ريت تبادل الأسرى والأحتفال فيهن… بياخد أكتر من نهار واحد…
يعني بدل ما يجو الأسرى دفعة وحدة… بركي بيجوا عدفعات…
هيك بيطلع عنّا كذا نهار… من دون عجقة…
يمكن يكون هيدا نوع من الحلّ… لوقت إنّو تجي الدولة…
وتلاقي حلّ جذري… لمشكلة العجقة…
إحتراماتنا…
Add comment