مبارح

مبارح كان عندي مشوار طويل بالسيّارة….
يعني كان عندي شي أربع ساعات سواقة…

وأنا متسكّع بهالسّيارة…وعم كزدر بالأراضي اللّبنانيّة….
بيلفت إنتباهي…
عدد من الدّعايات السياسيّة يللّي معلّقة عالبانويات….عالطريق….

هودي الدّعايات….هدفها بالحياة….إنّو ترشد وتنوّر المواطن
كيف لازم ينتخب…. ومع مين لازم ينتخب…

لأنّو بصراحة….الزعما عنّا…هيئتن….
حاسّين إنّو المواطن بعدو ضايع…ومحتار…..
ومش عارف لمين بدّو يعطي صوتو…..
ونحنا…صرلنا فترة بعاد عن السياسي….
وانسينا كم حزب في عنّا…
وانسينا كمان… مين هنّي هودي الأحزاب….
ولازم نرجع نتذكّرهن قبل الإنتخابات…

وشو دعايات؟……دعايات بأعادد هايلة…..هايلة جدّاً…
يعني بين كلّ دعاية ودعاية…بتلاقي دعاية……

هلّق من وقت للتاني…..
كلّ شي خمس دقايق يعني…
بتلمح دعاية طبيعيّة…بتكون لشي منتوج تجاري مثلاً…..
متل “زين الأتات”…عم يشرح عن فوايد الأعشاب مثلاً…

تيّارات من ميل…
وزعما معلقين من ميل تاني…..
وناس عاديّين حابّين يترشّحوا ويصيروا زعماء….من تالت ميل…
وراسو ل”زين”…. منّوش مبيّن بين عجقة كلّ هالدعايات الإنتخابيّة….

يعني بصراحة…..لشو هالدعايات كلاّ؟…..
ولشو هالمصروف كلّوا؟…..
ما يللّي بدّو بنتخب ..
عارف حالو مع مين بدّو يبنتخب بالأساس…..
ويللّي بعدو منّوش عارف حالو…
أنا بأكّدلكن….
إنّو هيدا….مش رح ينتخب بالمرّة…..
أو….الإفضل إنّو ما ينتخب بالمرّا…..

لشو؟….
ولاّ لأ؟…..

إحترماتنا….