fbpx

كنت طالع نهار الأربعا…

على رومية……لزور إختي…..

بما إنّو صار إلي فترة مش زايرها….

إختي…قاعدي ب رومية..

مش بالحبس….لكن دغري حدّ الحبس…..

أنا وطالع…

لفتتلي نظري أرمات سرعة مزروعة عجنب الطريق….

بعلمك بتكون ساحب بالطلوع…..

وفي آرمة بتخبرك إنّو لازم تمشي 80 كيلومتر بالساعة مثلاً….

وإذ…بتفرّخلك أرمة تانية…من حيث لا تدري…..

وبتخبرك إنّو هلّق لازم تقشط ل 40 كيلومتر بالساعة…

إي بتنتع فرام أخو إختو….لتنزل لل40……

وبتسمع زمامير سيّارات…

وأصوت فرامات ومسبّات عالم عم بتلعلع وعم بتزيزق من وراك….

بتمشي 40….عم مهل….

شي تلات أربع كيلومترات بتمشي…

وبتدوّر الراديو…عال أساس إنّو زهئان يعني…

والسيّارة أنجأ ساحبة بهالطلوع….

ف….بتدوّر راديو..وبتذكرك مذيعة الأخبار….

إنّو في حدن من  فتح الإسلام…

هرب من حبس رومية….

هرب…والجيش…والدرك…والأمن العام…والدولة كلها…

عم بتفتّش عليه… ومش عارفين وينوّي بعد…

وإنت ساحب بهالطلوع….عطريق الحبس………

من ميلة ما فيك تسرع…ويلك تاكل ظبط….

ومن ميلة تانية … بهيكي سرعة….

بتخاف يتكبّش فيك جندي فتح الإسلام……

ويصفّي راكض حدّ السيّارة…..

ويتعمشق بالشبّاك بركي….

وينزل فيك خبيط ليوم الخبيط….

إنّو معقول 40 كلم بالساعة….وبالطلوع كمان؟

معقولي هيدي…..

بعدين بحال بدكن تمّشونا 40 كم بالساعة بالطلوع يا خيّي…

بدكن تتأكدوا إنّو ابواب الحبوسة…مسكرة منيح…..

ليكو ليش ما بتقفلوها إنّتو…..؟

تبقوا قفلوها قبل ما تناموا…. أفضل بكون….

إحترماتنا….

johnnyhage

View all posts

Add comment

Your email address will not be published. Required fields are marked *

  • chouf ya johnny ….
    barki hal 2arma li maktoub 3laya 40 Km/h , keyni 80 km/h men zamen , bas bedlina fat7 el eslem, li2anno darbin 7seb 3al mada el b3id baddon yohrbo, w baddon yetkkabacho bi 7ada meche 40 km/h , li2an el 40 bila772owa, el 80 sa3bi 3a 7add 3elmi… wala marra 2dert 2el7a2 siyyara mechye 80, ma3 enno jarrabt :/

  • kil ma e2ra l posts te3oulak, beje la ellak Allah bi3in … bas enno kil marra kil marra 7a ellak zet l shi ?!?! bas enno berja3 b2oul ma fi ella Allah bi3in ..
    w halla2 bas lezim tetmanna enno ma yet3amsha2 fik shu jende men fat7 l eslem !!!