fbpx

اليوم كمان حكيت مع اربع اشخاص عالتيليفون
ما في شي جديد، اليوم كمان
كلّ يوم بحكيهن…هودي اﻷربع أشخاص
منتطمّن عبعض… ومنخبّر بعض شو عم بصير بحياتنا
إي صرلها فترة الايام… عم بتعيد حالها
ما عم بصير شي جديد يُذكَر
الحياة عم بتعيد حالها بمونتريال
لدرجة إنّها بتزهّق صايرة

الحمدالله انّي لبناني، وبحكي مع لبنان يوميّاً لإتطمّن عأهلي
وإلاّ ما كنت بعرف شو بدّي أعمل
كلّ ما بدّي اتسلّى بدق لإمّي بلبنان
بقلها خبريني
دايماً عندن تشويق وسوسبنس… ما بيزهقوا بلبنان
من كوفيد… لثورة…. ل فيول مغشوش… ل دجاج معفّن
ل طحينن منزوع… ل تقنين كهربا… في رئيس حكومة… ما في رئيس حكومة…انهار الدولار… ولك بأتعس الحالات إذا شي يوم ما صار شي، بيطلع جبران باسيل بشي ديباجي
آخر فترة صرت دقلّّها، قلها خبريني قدّيش صار الدولار اليوم… لأاه ه ه ه … طيّب قيليلي قيليلي علبة البيكون قدّيش… لاه… وفوفوفووف … شو عم تحكي… كيس رزّ 25000… واو .. ووطني…. واو
الله وكيلكن مقضّينها هيك
هيّ بتقلّي السعر وأنا بصفر
علبة الآريال ِ 80000 فوفوفوفوفوفوف…. عمرو ما يكون دوا الغسيل… صابون البلدي من شو بيشكي
إحترماتنا…

Add comment

Your email address will not be published. Required fields are marked *