أولا…..هاي كيفك سافا

ليكو……بعرف إنّو صرلي شهر ونتفي……

ما كتبت شي…..

بس ما تخافوا….ما تخافو أبداً……

لأنّو ما راح عليكن شي…….

أنا بهالشهر ونتفي كنت عم براقب……

وعم حلّل ….وعم دوّن…..وعم نظّر بيني وبين حالي…..

وبطمّنكن…. إنو بكرا بتشوفوا النتيجة….

كتابات على حيلا رح تنهال عليكن……

رح بتقولولي دخيل عرضك ارحمنا…..

بسّ حابب علّق عكم شغلة صاروا بهالشهر ونتفي…..

فاصبروا عليي إذا بتريدوا…..

بهالفترة اللّي أنا كنت غايب فيها عنكن…..

إجا المونديال…..وراح المونديال…..

وصار عنّا بطل عالم جديد….

وصفّى نص اللّبنانيّة…أوحتى الأكتريّة…..

عم بقطعوا كم كلمة إسباني بحديثن اللّبناني…..

يعني إلى جانب ال “هاي كيفك سافا”…..

زدنا…..”أولا”…..هيدي مرحبا بالإسباني يعني….

فصفّت المعادلة: “أولا…..هاي كيفك سافا….”

“Hola Hi Kifak Ca va”

بتنعمل غنيّي هيدي إذا بدكن….

ومش بسّ صار عنّا بطل عالم جديد….

صار عنّا أخطبوط جديد كمان….

يعني شو بدّي قلكن…..يا محلا ميشال حايك….

وشو إسمو هيداك من بيت فغالي…..

إي يا محلاهن…..

هيدا على مستوى عالمي ترجيحاتو…..(الأخطبوط)

مش إنّو حيالاّ….

و…ما بياخد إتصالات من الجمهور عفكرة….

بهالشهر ونصّ…..

صار عنّا ملكة جمال لبنان جديدي….

دخلكن…..بالأمليّة……

ليش الحلوين ما عدش عم بقدموا عملكة جمال لبنان…..

ويننّي يا خيّي…..

لازم وزير الداخليّة….. أو السياحة…أو ما بعرف شو يا خييّ….

وزير الثقافة بركي….. مش مهمّ….

المهمّ إنّو لازم شي وزير….

يصدر مذكرة توقيف بحقّن هودي…..الحلوين يعني…..

ويجبروهن يقدموا عملكة جمال لبنان…..

تحت طائلة المسؤوليّة…..

يعطوهن حوافز يا خيّي….

يربحوهن برّاد أو شي تلفزيون زيادي….

يربحوهن جنسيّة تاني يا خيّي…..بسّ قدموا….

بعدان بهالشهر ونص….

صار عنّا دعاية جديدة طالعة عالتلفزيون…..

أيا عالتلفيزيون…..عالتلفزينات كلّها…

دعاية بتخبّرنا كيف إنّو بلبنان…..

مش رح تنقطع الكهربا أبداً بقا…..

لبنان رح بصير دايماً ON…..

حلو…..

طالعة وبقوّة يعني….

لدرجة إنّو كتير عم بعرضوها….

أفحمونا….

وبيناتنا…يعني ع…شوي… كنت رح بلّش صدّق أنا…..

شايفين…. ولو ما انقطعت الكهرباء…..

شي تلات مرّات أنا وعم شوف هيدي الدعاية…..

عن جدّ كانو بلفوني…..

والأعظم آتٍ……

إحترماتنا…