fbpx

عم بكتب من قاعة المسرح….
قاعد عكرسي من كراسي الجمهور….
خامس صفّ بالتحديد..
في بوجّي خشبة المسرح…
وحوالي خمستعشر ممثّل عم ببرعطوا قدّامي…..

إذا شي مرّة اشتغلتوا مسرح من قبل….
بتشوفوا إنّو بالتمارين الأوّليّة……
بأوّل كم أسبوع يعني…..
ما بتلافي غير ممثّلين ببرعطوا قدّامك….
ومش معروف مين عم يعمل شو….

في شخص واحد لازم يكون عارف شو عم بصير…
أو من الأفضل إنّو يكون عارف شو عم بصير….
هيدا هوّي المخرج…..أو المخرجة…

وبعلمك بكونوا عم ببرعطوا…
كلمة وحدة….من المخرج….أو المخرجة…
بيركّب مشهد …ما بيفهم….
بياخد العقل….
وبياخدلك أنفاسك كمان….

هيدا شي صحيح جدّاً بالمسرح….
طيّب تخايلوا العالم الطبيعي….
العالم الخارجي…اللّي نحنا عايشين فيه….

واتخايلوا هالناس والجماهيراللّي عم بتبرعط يمين شمال….
ومش عارفي حالها شو عم تعمل…..
وتخايلوا كمان إنّو المخرج مش موجود….
وإنّو ما في مخرج….

أوفففف….خدلك عفوضة ساعتها…..

هلّق رح يطلعك كم واحد مفكرين حالن مخرجين….
أوعاملين حالها مخرجين….
لكن هنّي منّن مخرجين…..
والجماهير رح بتصدّقهن….

أوففففف…هلّق حود عفوضة….

إي يا تقبروني….
هيدا العالم مش بعيد عنّا…
مش بعيد عنّا أبداً…..
أو بالأحرى… هيدا هوّي نفسوا… عالمنا….

إحترماتنا….

johnnyhage

View all posts

Add comment

Leave a Reply to mahnaz Cancel reply

Your email address will not be published. Required fields are marked *