fbpx

وأخيراً……

ولك وأخيراً……. وليليليليليليليليليليليلي…….

ما بتتخايلو قدّيش مبسوطوفرح….ومبتهج أنا اليوم…….

مبارح كان أوّل مرّة بتارخ لبنانتخيايلوأوّل مرّة بتاريخ لبنان الحديث…..

بتركّب الدولة اللّبنانيّة ردارات سرعة عالطرقات…24 ع 24……

يعني الشعب اللّبناني….مجبور عرقبتو يمشي عمهلوا….

وإلاّ رح بتنكسر رقبتوا من كترة الظبوطة……

عن جدّ مبروك……لأنّو هيدي أكتر شغلة مظبوطة بتصير عنّا….

من شي 67 سنة…..

 

والواحد ما في إلاّ يضحك….

لمّن بيعرف إنّو بأول نهار ركبوا فيهن هالردارات

طلع في 5832 ظبط…..

شوفو قدّيش اللّبنانيّي نازل  بتكسير الأرقام….(لمزيد من المعلومات حول تكسير الأرقام راجع المرجع التالي:)

http://johnnyhage.wordpress.com/2010/10/25

وهلّق أكيد ….إنّو أكيد يعني….بيضلّ في كذا علامة إستفهام…..

وكذا علامة تعجّب…..وكذا علامة فارقة

 

بضلّ في ….إنّو انشاللّه بكرا…..

ما تمشي الوصايط وتلغي كلّ هالظبوطةلأنّو بتبطّل مظبوطة…. 

 

بضلّ في…. إنّو انشاللّه سنة الجاية متل اليوم…..

ما نرجع نحتفل بإعادة تركيب الردارات…..

 

بضلّ في….إنّو انشاللّه بكرا….الوزير اللّي رح يجي من بعد زيّاد بارود…..

ما تفتل براسوا لوقا….ويرجع يلغي كلّ شي

 

بضلّ في…..إنّو انشاللّه بكرا…. المواطن يعرف إنّو أكل ظبط

مش يفتحوا فيه محكمة لأنّو ما دفع….من دون ما يخبّروا…..

حرام بهالحالة بصفّوا اللّبنانيّي رايحين جايين عالمحاكم….

ويمكن يطالبوا بمحكمة دوليّة تانية ساعتها…ما حدا بيعرف….

 

وأخيراً بضل في...إنّو هودي الظبوطة….

ما يروحوا لجياب الزعما….

بركي منسكّر شويّ من هالدين العام الغاطسين فيه….

 

 

مش رح إحكي أكترأحسن ما صفّي عم بجلقا….

 

 

إحترماتنا….

 

johnnyhage

View all posts

Add comment

Leave a Reply to Jihad Cancel reply

Your email address will not be published. Required fields are marked *

  • bass ya johnny ma badde efe2sak bass this is how how corrupt we are: the government placed radars to catch those who fly by on the highways and people are busy downloading applications on their gps to escape radars! mesh shi bi arref?!

  • للأسف أنو في ناس متلكن بعد بلبنان وللأسف الشديد أنو انتو مع الدولة أو بالأحرى المزرعة. مستغربين كيف عم بحكي هيك؟ أكيد! رح قلكن ليه لأنو الدولة اللبنانية من تاريخ تأسيسا لليوم ما عملت شي لصالح المواطنين لا بل كانت تعمل كل شي لتستنزف المواطن لآخر نقطة وهيدي خبرية الرادارات يللي انتو مبسوطين كتير فيا منا غير لسرقة هالشعب المعتر وزيادة وليه كيف قلكن عين تركبو رادار على حيالله نوع طريق بلبنان ليش هي بالاول هيدي طرقات؟ تاني شي لحقتوا وبدكن تركبوا رادار يا بوشط انتي ويا عل القليلة حطو إشارة قدي السرعة القصوى لأنو مش شغلة المواطن يبصر كمان بالسرعة بكفي قدي صار يبصر بهالنهارات لأنو انتو ضايعين ومضيعينو معكن. هلق صار فيي قلكن احترامتنا لشعب ما نكبو إلا جهلو