يا أرض انشقّي وابلعيها

قليلي هيدي كيف صارت؟….

قليلي هيدي…

صبيّة…..لبنانيّة…

من ضيعة صريفا….. من الجنوب….

تطلع ملكة جمال الولايات المتّحدة الأميركيّة؟…..

ولك….الولايات المتّحدة الأميركية….

مش ولاية أو ولايتين هودي …..

هودي واحد وخمسين ولاية……

وكلّن اتّحدوا أميركيّاً….

لينتخبوا ملكة جمال….

ف….انتخبوا ملكة… لبنانيّة….

يا بيّّي شو هيدا…..شي بمجّد الخالق….

وبلّشت الإشاعات الإسرائيليّة تطلع….

على إنّو “ريما”….هيك إسمها….

ملكت الجمال إسمها “ريما فقيه”….

ف…صارت هالإشاعات تحكي…

إنّو ريما هيّي مع حزب أللّه….

وإنّو هيدي…مؤامرة للإرهاب عأرض أميركا…..

بمحاولة إنّو يسحبوا منّها اللّقب…..

هلّق كلنا منعرف إنّو هيدي إشاعات….

لكن اتخايلوا….بسّ اتخايلو…..

لنتسلّى يعني….

لو هيدي… ما كانت إشاعات….

واتخايلوا….كيف إنّو لو أميركا عن جدّ…

بطولها وبعرضا…

انتخبت ملكة جمال من حزب أللّه….

يابييّ…

ساعتها…..

كانت…يعني شو بدّي قلكن….

يا أرض انشقّي وابلعيها…..

لأميركا….(مش ل ريما……)

لأ…واللّي بضحّك…

إنّو لمّا إجت ريما لعنّا عالبترون بال2008….

لتشارك بملكة جمال المغتربين…..

طلعت تالتة…..

فبعد في عنّا اتنين …..

مغتربات….

أجمل من ريما…..

(لكن ما بعرف إذا هوديك مقرّبات من حزب ألله)…

وختاماً….مبارح اكتشفت….

إنّو ملكة جمال فرنسا لهيدي السنة…

“اصلها سوريّ”…..

 ف…

إحترماتنا…