fbpx

ليكوا…..
اسمعوني شويّ…
اتركوا كلّ شي…واسمعوني شويّ…..
رح جرّب اختصر حديثي….فا…اسمعوا…


روحو غسلوا وجكن…..وركزوا معي ….
واسمعوا منيح…..


ما في شي إسمو صحّ…..
لا في شي إسموا غلط…..
كلّوا هيدا طرق حكي…
كلّوا هيدا من تأليف المجتمع….


إذا إنتوا بتصلّوا مرّة بالأسبوع…
أو خمس مرّات بالنهار…
مش مهم…ما في شي صحّ أو غلط….
المهم إنّو تصلّوا….


إذا إنتو بتأمنوا بأللّه…..أو ما بتآمنوا…..
مشّ مهمّ….ما في شي صحّ أو غلط….
المهمّ إنّو إنتوا مرتاحين بحياتكن….
والمهمّ إنّو مش عم تئزوا حدن….


إذا تزّوجتوا بالكنيسة…أو عند الشيخ….
أو تزّوجتوا مدني حتّى….
مش مهمّ…ما في صحّ أو غلط….
المهمّ إنّو مبسوطين…
والمهمّ إنّو بتحبّوا بعض….


إذا عملتوا حكما…أو مهندسين….أو محاميّي….
أو فنّانين…أو شعراء….أو كهربجيّي….
مش مهمّ….ما في شي صحّ أو غلط…
المهمّ إنّو عملتوا شي ….


إذا كفّيتو علمكن…أو ما كفّيتوه…
مش مهم….ما في شي صحّ أو غلط….
المهم إنّو تعرفوا شو بدكن من هالحياة….


إذا إنت يساري..أو يميني….
برتقالي…زيتي….صفراوي….أو زرقاوي….
بتحبّ السياسي…أو ما بتحبّها…
مع المقاومة…أو ضدّها…
مش مهمّ…..ما في شي صحّ أو غلط…
المهمّ إنّو عندك رأي …وبتعرف تدافع عنّوا….


إذا إنت عايش بأميركا…أو باليابان…
بافريقيا…..أو بلبنان…
مش مهمّ…..ما في شي صحّ أو غلط…
المهمّ إنّك عايش…..


فيني ضلني نازل فيكن لعبكرا…
وخبّركن كيف إنّو ما في شي صحّ أوغلط…
بس بعتقد فهمتوا الفكرا….


ويلّي لازم تفهموا كمان….
إنّو الحياة كتير قصيرة….
دخيل اللّه….
لازم إنتو تقرّروا كيف وليش بدكن تعيشوا حياتكن….
قبل ما يجي المجتمع ويقرّر عنكن…
لأنوّ متل ما صاير هلّق.. كلّو من تأليف المجتمع….


بسّ اتذكروا شغلي وحدي:
“كلّ شي بقرّروا الإنسان….
هيدا لنّو صحّ…ولنّو غلط….
الصح والغلط…ما بدّن قرار….
هودي بكونوا…موجودين…خلقا….”


ميري كريسماس…..وينعاد عليكن….


إحترماتنا….

johnnyhage

View all posts

Add comment

Leave a Reply to nermine Cancel reply

Your email address will not be published. Required fields are marked *

  • El shi el wa7ide El Sa77 houwweh ennak tef3al .. en paralelle avec shou betfakkir … w akh men hal moujtama3 shou bi7ott dawabit .. w mamnou3at .. w etiquetteits .. houwweh moush 2adda …
    salam..

  • ma fi shi sa7 aw ghalat bi hawdi ya shareef…ana 2elet el mohem tkoun mabsout, el mohem tkoun 3ayesh, wel mohem 3am ta3mol shi.
    hawdi mhemmine bilnesbi la 2eli…yemken la2elak ma ykouno heyk, wyemken la gheyrna ykounou shi mougheyer tameman…
    bass akid akid….mannon la sa7…wala ghalat….
    ihtirametna….

    • ktir 7elo hal chi…wlezem yetkaffa la yefham el wa7ad ino ma fi ra2y kamen….el ra2y houe chi byeferzo el mo5…wel mo5 houe ghedde…metlo metel el kebed wel kalewe….kelon 3andon efrazeton…w2aw2at bifido el jesem…w2aw2at bya3mlo marad…wel mo5 nafes el chi..byefroz efrazet mensamiha ara2…2aw2at bta3mel marade…w2a2at betfide…

  • mazen…ana beshkrak 3al ma3loumet el da2i2a…ya3ni 2abhartni…..mishta2lak….

    Nadim…..shoukran 2estez……w merry christmas…

    Khallina nekhedlna shi kess bi hal 3otle…..3a rawe2…jam3a mouwassa3a ma bteshki min shi…..

    Ihtirametna…