fbpx

أنا….إنسان….
عايش عراسي…..
لا بسمع أخبار……ولا بحضر تلفزيون…..

إذا بسمع أخبار…..بسمعها من العالم….
وإذا بحضر تلفزيون….بكون بحالة “ديبريسيون depression”
إلها أولّ…وما إلها آخر…..
(لابقة هيدي….”ديبريسيون” مع “تيلفيزيون”)
أو بكون عم بحضر شي ماتش فوتبول…..
لا أكتر ولا أقلّ….

ف….من شي تلات إيّام….
شاءت الصدف…..إنّي كنت عم دردش مع حدا بالشغل…..
وخبّرني شو صار “بكترمايا”…..

هلّق انا…سمعت الخبريّة لأوّل مرّة…..
صفنت…..
ابتسمت….افتكرتوا
و….لأّول وهلة…..إنّو عم يمزح….
بعدان…..اكتشفت… إنّو…لأ…مش عم يمزح….

رجعت طلبت منّو يخبّرني ياها تاني مرّة……
و…رجعت صفنت…..
وسطّلت……

امسكت حالي ورحت عالإنترنيت….
وصرت إقرا الخبريّة من كذا مصدر…..
ولأول مرّة…كلّ المصادر….
كانت…..عم بتخبّر نفس الخبريّة….

انفلجت…..

ليكو……
نحنا عايشين ببلد….
عفواً…..
نحنا مفكربن حالنا عايشين ببلد…..
نحنا…عايشين بزريبة…..
وما منعرف ايمتا…منبطّل عايشين…

مفكرين حالنا…عنّا قانون…..
مفكرين حالنا عنّا نظام……
مفكرين حالنا عنّا قضاء…..
ومفكرين حالنا عنّا أمان…..

القانون عنّا ما بيتطبّق……
حتّى رجال الأمن والجيش ما بيعرفوا يطبقوه…..

النظام عنّا…بيمشي عناس وناس….
وساعة بيمشي… وساعة لأ…….

عنّا قضاء…..ما حدا بيوثق فيه……

عنّا الأمان….
ما بسمّوه أمان بالبلدان المتحضرة…..
نحنا اتعوّضنا عليه….. وسمّيناه هيك…
لكن هوّي ما إسموا أمان….

نحنا….عم نتضحّك عحالنا….

والمشكلة…إنّو ما حدا داري قدّيش….
خطيرة هالمشكلة…..

(يللي بعد ما بيعرف شو صار “بكترمايا”….
نيّالكن…..لكن أنا محّلكن بروح وبنبّش عالإنترنت….
وبكتشف شو صار…..لأنّو مصيبة إذا عرفتو…
ومصيبة أكبر إذا ما عرفتو)

إحترماتنا….

johnnyhage

View all posts

Add comment

Leave a Reply to mazen haidar Cancel reply

Your email address will not be published. Required fields are marked *

  • yea indeed… kel wa7ad 3eyish 3a 7sebo. we need 100 Hetler and 100 saddam hussein to return order to this land that everyone claims to love it and is fighting for to have it yet no one is acting to improve it..! wa mina l 7obbi ma katal..! Ihtirametna.. nice said johnny 🙂

  • well my friend. you are right. we think we live in a country. while we live in a jungle, where the law of the jungle is the governing force not the civilized authorities.

    b3ad 3an el 7adara men hon lal mareekh 🙂

  • (القانون عنّا ما بيتطبّق……حتّى رجال الأمن والجيش ما بيعرفوا يطبقو)…صح..بس ما هيدا هوي القانون…بالظبط..والمشكلة مش بالقانون..المشكلة بلي عم بيطالب بالقانون وما فهمان انو هيدا هو القانون..او نوع من انواع القوانين..اسمو القانون اللبناني..وما تفكرا فوضى..هي تنظيم,,او نوع من انواع التناظيم(او التنظيمات)ومنا هينة..انو واحد يخترع طيارة من مواصفاتا انا ما بتطير وبتضل لازقة عل الارض ومع هيدا كلو بتوصلك مطرح ما بدك…فكرك هي شغلة بسيطة…وعم فكرا نحنا عنا جرايم اقل من اميركا واوروبا..وامن اكتر.بس هني عندن قانون اكتر…ورغم هل تشنيع لي صار بكترمايا..ما صار ولا ضربة كف خلالو او حدو او ضدو…متل الانتخابات..جريمة منظمة وبحماية القانون…ودايما في مستفيدين…هول صارو شي تالت..غير لي انقتل بالاول وبالاخر..بدن حلقة لحالن.

  • chapeau bas!!
    chi bibakkeh bass add ma bkina abel 3a lebnen w 3a fnoun l wezara wel nouwweb w 3al 2amen w 3ala w 3ala…nachaffo dmou3na!!!
    bass sarkha metel hal sarkha ne7na bi7ajeh la 2ela ta n7ess 7alna ba3edna 3aychin w ba3ed fi ness 3endoun 2amal bi ajmal balad li 2esmo lebnen…
    I appreciate your article
    ihtirametna!