من ورا الديريكسيون

شي مرّة صارت معك……وكنت ماشي بالسّيارة….
ومستعجل لتوصل عمطرح منّك رايح….
وعم تصلّي وتدعي…تما يطلعلك شي…
…ويأخرك…..
متل شي عجقة سير مثلاً….

أو شي كميون “سوكلين”…
قرّر إنّو هلّق لازم يلمّ الزبالة….
قبل ما يتراكموا…وتتطلع الصرخة عليه….

إي…. ف…بتكون ساحب بهالسيّارة…..

وبتوصل عإشارة سير….
بتسائب إنّها بتكون مضوّاية أحمر….
…مضوّاية قدامك بشكل دائري…..

فبتصير إنت ناطر…
…ناطر هيدي الإشارة………لتنطفي
….أو لتقلب أخضر …
لتقدر حضرة جنابك تتيسّر…..وتستعجل عن جديد…..

ومن بعد ما تكرفِت….
للإشارة…وللعالم…وللدرك….وللبلد كلّو سوا….
ودغري فبل ما تقلب هالإشارة أخضر …بثواني….
بيطلعلك…..صبيّة…..أو صبي……
سميكة…..أو سميك……
مش قاريين الإشارة من أساسها…..

إي…بيقطعو من قدّام سّيارتك……

ع…..مهلن……..

وإنت بتجنّ….
وبتكون بهاللّحظة….يعني لولا العيب والحيا…
ولولا الجرجرة عالمستشفيات……
بتكون عم تتمّنى…. لو فيك تقطع عليهن بالسيّارة….
ليفهموا إنّوهيدا الضوّ…..
إلو عازي……
وبضوّيي…و بطفّي…كرمال هدف معيّن….
والألوان كمان….. إلن عازي…

فخود بقا……
خود بقا…إنت…
ع سمّ وقهر….وتعصيب…..
بهالكمّ ثانية…. من ورا الديركسيون..

إحترماتنا…