fbpx

بكرا عيد اللإستقلال…..

دخلكن نحنا مستقلّين؟….من مين مستقلّين؟

هيئتنا مستقلّين عن البلد نحنا…كلّ واحد فاتح عحسابو واللّه…..

هلّق بدكن تقلولي إنّو بعيد الإستقلال….

كلّ العالم عارفي إنّو هيدا ضحك عالدقون….

والسياسيّي وحدن..ما معن خبرشي؟؟

أكيد لأ….

ليكو السياسيّي وضعن حرج يا خيّي….

 تخايلو…إنّو يجو يقولولنا….

السنة مش رح منعيّد الإستقلال…

لأنّو نحنا منّاش مستقلّين مظبوط….

لأنّو ما حدنش منّا قادر ياخد قرار من دون ما نرجع ل…

أميركا…وسوريّا….وفرنسا….والسعوديّة……وإيران….

(ومش رح عدّ بقيّة البلدان ..لأنّو في كتير…..)

إي اتخايلوا يجوا يقولولنا هيك….

لاه…ما عيب….مش منيحة بحقّن هيدي….جرصة يعني……

طيبّ…..من تاني ميل…….

وهيدي الحالة اللّي نحنا واقعين فيها برضو….

اتخايلو … إنّو يجوا يعيّدو الإستقلال…..

وهنّي…من دون ما يقولولنا….نحنا عارفين….

إنّو ما فيهن ياخدوا ولا قرار…من دون

أميركا…وسوريّا….وفرنسا….والسعوديّة……وإيران….

هيدي كمان لاه…عيب…وكمان مش منيحة بحقّن…وكمان جرصة يعني….

طيبّ هات لشوف حلّهّا بقا……

أنا بقلكن كيف منحلّها……

شو هنّي وحدن بيطلعوا بمبادرات حلّ….

أنا…بشوف…..

وألله يسترني من كلمة أنا….

إنّو ما بقش نعيّد عيد الإستقلال بهيك وضع….

لأنّو أفيش إستقلال…..

لكن…وبما إنّو……

الشعب معوّد إنّو يعيّد ب 22 تشرين التاني….

وبما إنّو…

عيد ميلاد الرئيس الجمهوريّة الحالي ميشال سليمان….

مسائب ب 21 تشرين التاني……

خلّينا نعيّد عيد رئيس الجمهوريّة……

مش عيد الإستقلال…

عيد رئيس الجمهوريّة….

وبالمستقبل…..لمّن تخلص ولاية أو ولايات الرئيس الحالي….

….بينتقل  العيد لنهار تاني….حسب عيد الرئيس الجديد….

هيك…منكون….حلّينا عيد الإستقلال…..

وهيك بكون بقيو الإعياد السنويّة الرسميّة على عددهن….

وما حدا من الشعب الكسلان بيزعل……

وهيك السياسيّي…..ببطلوا عتلانين هم كيف رح….

بيتضّحكوا عحالن…وعبعض…وعالشعب….كلّ 22 تشرين التاني…

شفتوا كيف؟….

ف…مبروك يا جماعة….

وينعاد عليك فخامة الرئيس…..

وإحترماتنا….

johnnyhage

View all posts

19 comments

Leave a Reply to IWPR Cancel reply

Your email address will not be published. Required fields are marked *

  • HAHAHAHAHAHAHAHAHAHAHAH!!!!!!!!!!!!!!!!!!!!!!!!!!!!!!!!!!!!!!!!!!!!!!!!! MISH TABEE3I MALLA POST!!! MY FAVORITE POST UNTIL NOW!!!! AND YES, I KNOW I’VE SAID THAT BEFORE

    • he he :)….sany…i have no problem saying it again and again for future posts…..ma te3tal hamm….redundancy is not an issue in this case…Ihtirametna…

    • thanks a million for sharing on +961 blogosphere …. w nice blog you have…. so simple, effective, and fun…Ihtirametna…

  • 2al este2lel 2al!!!…men shu mest2ellen???…ne7na 7aram n3ayyed mara we7de bel este2lel 5ilel l sene…minimum lezem n3ayyed 18 yom…eh 18 yom 3eed este2lel le2an kel tayfe mest2elle 3an l balad….ne7na mestelleen bel balad w 3an l balad…enno sab3a w sab3een sene men3ayyed b 3eed l este2lel w ne7na ma mest2ellen !!enno keef zobtet ma3on…enno talbeen was2et a3lem lebneniye w baddon ywaz3ouwa w ma kenet ta3ref to5las???…walla enno b terkeebet l 3otal l sanawiyye no2es 3andon nhar fa 3emlou 3eed l este2lel???la2 w byenshro 3ard l jesh b 3ard lal jesh!!!eh yesmaoulna fiya ana ra7 dob aghrade w “esta2el” tiyyara w “esta2ell”3an l balad w “esta2er”b shi balad este2lelo 7a2i2i.

  • استغرب من ركاكة اللغة التي كتبت فيها المقال, اما آن لكم ايها اللبنانيين ان تصبحوا بشرا وتتعلمون اللغة العربية لغة ابائكم؟

    • shoukran ya marwan….ghamartna walla……
      w…3a fikra….ana wa7di rkeek bil logha……el lebneniyyeh abadan mannon rkek….sma3 menneh…ana lebneneh w 3am b2illak…..w…ne7na bashar 4a fikra….halla2 sa7i7 fesdine….lekin bashar….fa…..Ihtirametna….

  • يتشرف معهد السلم والحرب دعوتكم للإشتراك في مسابقة لتمويل مقالات إستقصائية.

    يعلن معهد صحافة السلم والحرب عن تخصيص منح لشباب يرغبون بكتابة مقالات إستقصائية حول قضايا تتعلق: بشؤون بلدياتهم الإقتصادية والإجتماعية والتنموية والبيئية، بالشفافية، أو بالحكم المحلي. الهدف من المنحة تشجيع الشباب على التعمق في التحقيق حول قضايا تهمهم وتهم مجتمعهم والعمل على محاسبة المسؤولين المحليين.

    هذه المنحة هي جزء من مشروع “نقاط على الحروف” الذي يهدف إلى تعزيز مشاركة الشباب في الحقل الإعلامي المحلي والإلكتروني.

    على الراغبين في دخول المسابقة لتمويل مقالاتهم، إرسال أفكارهم قبل ٣٠ تشرين الثاني ٢٠١٠.
    الرجاء ارسال الإقتراحات إلى العنوان التالي:

    iwpr.beirut@gmail.com

    http://no2at3al7ourouf.com/

  • Guess you will like!

    حرب العبور: من لبنان الجمهورية إلى جماهير الجمهوريات

    بلا كزب: الحقيقة ضرورية بس ما بتوقف الإغتيالات ولا بتعمل فتنة