fbpx

كتّا نضهر مع بعض…

من شي سنتين….

وكان صرلي…شي سنتين مش شايفها….

من لمّن كنّا نضهر مع بعض…..

من سنتين….

انفصلنا….

رحت أنا بميل…وكوّعت كم كوع قاسي…..

زحّطِت…وفت بحيطان….

ورجعت لقيت حالي….وجلّست…ومشيت….

من سنتين برضوا….

راحت هيّي من تاني ميل…..

وكوّعت كم كوع كمان….

شفّطت….شدّت حالها…..

وفاتِت عرض….

سحبِت…….ومِشيِت…

ورجعنا التقينا….من شي عشر ايّام….

عكاس نبيد….

ما سائبت…

نحنا سائبناها…..

وصرنا نتذكّر كيف اتعرّفنا ع بعض…

وصرنا نحكي عن الماضي….

وعن الحاضر…

وعن المستقبل…

وعن البلد… وقدّيش إنّو هالبلد أخو شليطي….

قالتلي….ساعتها هيّي:

“بتتذكّر شو كنّا حركين من كم سنة؟….

وكيف كنّا مفكرين إنّو بدنا نغيّر البلد؟…..

شو قولك….فينا بعد نغيّر هالبلد؟….”

قلتلها…:

“ليكي…يا…تقبريني…….

أوعى بعمرك…بعد تفكري إنّو نحنا….

أو حدا منّا… قادر إنّو يغيّر هالبلد….

هيدا البلد ما بيتغيّر…

هلّق فيكي بأيّ ساعة تغيري “بلد”….

يعني تمسكي حالِك…وتطيري تعيشي ببلد تاني….

معقول…ليش لأ…

بسّ ما فيكي تغيري “البلد”

هيدا البلد…

انتبهي…هنّي كتير قراب من بعضن….

بين “اتغيري بلد” و “اتغيري البلد”

في حرفين…..بسمّوهن “ال” التعريف بالقواعد العربيّة…

ف…اتعرّفي عليهن مظبوط هودي….”

ومنبقا منتلاقى بعد شي سنتين…..

إذا مش بهالبلد…إي…انشاللهّ….

بتسائب بشي بلد تاني…وتالت…ورابع….

وعقولة زيّاد الرحباني:

“بطّل طموحي إنّي غيّر هالبلد….

صفّى أقصى طموحي…إنّو ما خلّي هالبلد يغيّرني”….

إحترماتنا….

johnnyhage

View all posts

Add comment

Leave a Reply to sany Cancel reply

Your email address will not be published. Required fields are marked *

  • في مرة حداً ألي إنو الاحلام بتخلينا نستمر، مش بس ب هل بلد و بهل دنيا كمين.
    و بس.
    باي
    🙂

  • Bella 3azzi……i love your name…is it a name or nick name by the way?…Ihtirametna…..Bye

  • very nice post johnny. i really liked ziad rahbani’s quote in the end. very strong meaning and use of words. nice ending. btw, u told me bout this event 2 weeks ago i think, no?

  • johny …. fazee3a man , kteer 7ilwi …..dont leave ur articles on paper man , come on make a move …..move not movement hehe….move will be something great….but movement will lead u to prison , …. waiting …

  • 3azim heek kil shabeb el yom 3am yifakro ino nshalla ni2dar ndal 3am mabadi2na w ma nitghayar la2an el wade3 a5o shaliteh …..