مش أنا يللّي دايرها

اليوم لمّا وعيت من النّوم…..
انتبهت لشغلة……

انتبهت إنّو حياتي….
مش أنا يللّي دايرها….

أنا…بسّ….حاملها…
وداير فيها من محّل لمحّل ….
لكن منّي دايرها….

ما بعرف مين دايرها …
بس أكيد مش أنا….

يعني أنا…
تلات ارباع الإشياء يلّي بعملها كلّ يوم…..
ما بعملها….لأنّو أنا….بدّي أعملها….
بس ما بعرف كيف ….
بصفّي عم بعملها…

مدري من وين بتخلق هالمسؤوليّات كلّها….
بتظهر فجأة….
وبتجبرك…
إنّو تعيش حياتك…
مش متل ما إنت بدّك اتعيشها…..

إي…..شو هيدا؟…..
في شي غلط…..
أكيد…في شي غلط بالتركيبة….

إحترماتنا…