fbpx

مبارح كان في المسيرة البيضا

مع السلام… وضد 8 و14 آذار بساحة الشهدا….

كان في شي جوّاتي عم بشدّني لإنزل…

لكن ما نزلت… قمت لبدت… واقعدت…

وضلّيت لابد مطرح ما أنا….

يا خيّي جيت وافتكرت…. إنّو..

طيب شو بدّي إنزل أعمل….

إنّو ما دايماً ممنزل…. ومنسلّم عالشباب….

ومنعمل جمعة 50 أو 100 شخص…

إيّام منوصل لل 500 وإيّام لل 1000…

بسّ ما هودي هنّي….

صرنا منعرفن كلّن يعني..

وبكلّ مناسبة منتلاقى معن نفسن….

و…هيّانا… هودي نحنا…ما فيش غيرنا…

وكلّ مرّة منطلع بشاعارات خلاّقة…

هيّي أحلا شي الشعارات بيناتنا….

لكن وين النتيجة….ما في نتيجة…

النتيجة هيّ 30 ثانية بالأخبار…

وصورة برابع صفحة بالجريدة…إذا طلعِت…

مبارح…كنت حابب أنا إنزل …

عالمسيرة البيضا….

وعم فكّر إنّو قد ما تكون بيضا….

واللّه بكرا بيقلوها…

جماعة 8 و 14 آذار….

من دون ما يدري أحد….

إذا ما قليوها….

بكرا بيجو وبيسلقوها سلق….

هيدي إذا ما عملوها عجّة….

ما هني بدّن عجّة من غيمة…

إحترماتنا…

johnnyhage

View all posts

Add comment

Your email address will not be published. Required fields are marked *