fbpx

ماشاء أللّه عليهن ما أهضمن……

ما أهضمن هنّي… وكلّ واحد منّن….

ناتع كرش قدّامو…إلو أوّل وما إلو آخر….

ما أهضمن… هنّي وعم ببرعطوا بملعب المدينة الريّاضيّة….

وكلّ فشختين تلاتي…..

بتلاقي واحد عم ينطح الأرض من دون طابة…

ومبيّن إنّوا رح بفكّ رقبتو…..

ما أهضمن…. كيف إنّو مبسوطين بحالن….

إنّو عملوا فريقين…..

ولبسو تياب جداد……

واختلطوا مع بعضن البعض…..

ليعَيّدوا ذكرى الحرب اللّبنانيّة…..

عن جدّ ما أهضمن…..

بيتّاكلوا……

كان جايي عبالي إنزل عالملعب……

وإشلح من تيابي…كلّ تيابي….

إتظلط يعني…متل ما بيعملوا أوقات

 بمتوشة الفوتبول العالميّة….

إي….كان جايي عبالي إتظلط…

لإلفتلن إنتباهن…..

وذكّرهن إنّو الحرب….بعد ما خلصت يا تقبروني……

كان جايي عبالي ذكّرن إنّو الطائفيّة….

بعدا طايفة عالبلد كلّو…..

كان جايي عبالي ذكّرن…. إنّو الملعب اللّي عم يلعبوا فيه…..

كان فاضي من الجمهور…..

لأنّو الجمهور عم بدبّحوا بعضن بالمباريات العاديّة….

منشان هيك…إتّحاد الفوتبول…..

منع الجمهور يحضر أيّ مباراة…….

حتّى هيدي….

كان بدّي ذكّرهن…..

إنّو بعد في عندن واجبات وفروضة كتير كتيري…

ما تفهموني غلط….مش ضدّ إنّو يلعبوا فوتبول أنا…..

بسّ من أنا وصغير كانو معوّضيني أهلي…..

إنّوممنوع إلعب فوتبول….

قبل ما خلّص فروضتي……

إي إذا عهالمعادلة…..

ما بيلعبوا فوتبول بحياتن هنّي…..

لكن اسمحولي….إذا بتريدو….

هنّيهن……

لأنّو هيدي أوّل مرّة….

بكونوا مبسوطين… وعم تقّوا حنك….

قدّام الجمهور اللّبناني……

عادةً….بطقّوا حنك عالجمهور…..

لوحدن….بإجتمعاتهن….وبصالوناتهن…..

لكن هالمرّة….ولأوّل مرّة……

كانوا عم بطقّوا حنك live …وعلناً…..

ف … مشكورين يا أيّها الزعما…..

وأصحاب السيادة……والفخامة……

ومبروك…..يا لبناني……

وما شاء أللّّه عهالزعما…. اللّي حاكمينك……

لأ…. وكانوا عم يمضوا “أوتوغرافات” كمان…..

إحترماتنا…..

johnnyhage

View all posts

Add comment

Leave a Reply to Karim Bekdache Cancel reply

Your email address will not be published. Required fields are marked *