ليش؟

ليش؟
ليش الإنسان بيخلص عمرو؟
ليش؟

ليش الواحد ما فيه… يضلّو عايش؟
…ببساطة….. هيك يضلّو عايش….

هيك ما بيعتل هم….
ما بيعتل همّ… كيف بدّو يلحّق يختبر كلّ هالإشيا اللّي بحبها…
قبل ما يموت…
عشو بدّو يعتل همّ…
ما هوّي ما رح بيموت بقا…

هيك كمان ما بيسهر ليالي…هوّي وعم يشتغل…
لأنّو لازم يأسّس مستقبلو….
ما مستقبلوا….دايماً قدّاموا…..

هيك ما بيعتل همّ أيمتن صار لازم يتجوّز…
ولا بيعتل همّ قدّيش عمرو…..
شو حلو….ييه….شو حلو…..
ساعتها الناس بتوقّف تعدّ الأعمار….
ولشو بدّها تعدّن ساعتها؟…..

هيك كمان كلّ العالم بتبرم كلّ العالم….
إنّو يعني أكيد رح تبرم…
ما رح بضلّن عايشين كلّ عمرن بمحّل واحد….
ما هيك؟….
لأنّو وآخرتها يعني…

وهيك ببطّل في عنّا مدافن وجنّازات موتى وعزى…
هوّي قليلة هودي…
قليلة شو بيجيبو معن كترة حكي ولتلتة؟…

.
لكن في مشكلة….. في مشكلة وحدة…
هيك الأرض ما بتعود تساع كلّ هالناس…..
وهيك الناس ممكن يفطّسوا بعضن ساعتها….
أو يمكن يضطرّوا يتنفّسوا بالدّور….
تما يفطّسوا بعضن…ويموتوا……
ييه……بس ما هنّي ما بيموتو؟…..

إيه شو؟….إيه ساعتها شو؟

إحترماتنا…