fbpx

أنا مع إسقاط النظام الطائفي….

ولأنّي مع إسقاط النظام الطائفي….

حاسس إنّو في شي ناقص….

حاسس إنّو في أكتر من  30000 شخص نزلوا اليوم عالطريق…..

بدّن يسقطوا النظام الطائفي….

وعندن شعارات وإندفاع… ومطالب محقّة…

كلّ مطالبهن محقّة…

بس ما عندن “خطّة عمل”…..

عندن هدف….هوّي….إسقاط النظام الطائفي….

هيدا حلو عالورقة والقلم….

بسّ ما عندنا طريق لنوصل عالهدف….

بمصر وتونس وليبيا……كان في عندن راس….

وكان الشعب عم بطالب إسقاط راس النظام…

ولمّا أسقطوا الراس…سقط النظام ع مراحل…..

عنّا غير شي……

عنّا ما في راس…في روس…..

عنّا عم نطالب سقوط نظام سياسي طائفي بإمّو وأبوه…..

ف….لأزم نعرف بوضوح…..

إذا بدنا نوصل لهدفنا النهائي…اللّي هوّي “إسقاط النظام الطائفي”…

شو هويّ الهدف الأول أللّي بدنا نوصلّوا….

بعدان…شو هوّي الهدف التاني…

بعدان شو هويّ الهدف التالت والرابع والخامس…..

وأيمتا منوصل لإسقاط النظام….

لازم يكون في أهداف ملموسة وصغيرة لازم نحقّقها…..

….شو هيّي هالأهداف؟

هلّق…نحنا الشباب… شايفين الهدف النهائي…من بعيد…

بسّ بعد ما قرّرنا….أيا طريق لازم ناخد لنوصل….

إيه..لازم نقرّر….

لأنّو تأخرنا…..

وإذا ما قرّرنا….

العالم رح تزهق…..

ورح تسبقنا الثورة…

ورح يجي حدا تاني…..يركب الثورة….

ويسوق….

إحترماتنا….

johnnyhage

View all posts

Add comment

Leave a Reply to Ramzi Cancel reply

Your email address will not be published. Required fields are marked *

  • عم بكتب عن هالموضوع صرلي اسابيع ، تهلكو الأصابيع! لي بيزعل أكتر من لبيرضى. خيي خلص في دكتاتورية تغيير عم بتقلك إنت أوعى تفكر، نحنا منفكر عنك. إنت بس نزال تظاهر لما ندعيك. لو بتعرف بمين بذكروني…

    أهلين…