fbpx

الأحد 6 آذار كانت  في مظاهرة…

وكانت مظاهرة جيدة…..

على أمل المظاهرة اللّي جايي تكون جيدة جدّاً…..

والمظاهرة اللّي بعدها تكون ممتازة….

والمظاهرة اللّي بعدها تكون فظيعة……

والمظاهرة اللّي بعدها تكون إخت محلوشي….

واللّي بعدها…على أمل إنّو يسقط النظام الطائفي….

بسّ ليسقط النظام الطائفي….

 لازم تنزلوا معنا عالطريق…..

الأحد 6 آذار كناّ شي عشرة ألاف شخص……

عشرة ألاف شخص مش كلمة بالتمّ…..

يعني إذا بدّك تعدّن واحد واحد….. بتعدّنّ…

عشرة ألاف مرّة…..

مش رح يسقط النظام من مرّة وحدة…

ولا من مرتين….ولا من تلاتة……

بدّوا يسقط لمّا مننزل عالطريق…

ومنرجع ننزل عالطريق….ومنرجع ننزل عالطريق….

لألله يفرجها……

بسّ ليسقط النظام الطائفي….

 لازم تنزلوا معنا عالطريق…..

جيت أسبوع الماضي عالشغل……

وسألت زملائي……ليش ما نزلتو عالمظاهرة ب 6 آذار؟

وحدة قالتي :”ما كان الي خلق”…..

وواحد قللّي: ” كنت عم ببرم ع بيت”

ووحدي تانية قال “كان عندي رقص”

ف…سألتن إذا هنّي بدّن إنّو يسقط النظام….

وطلع إنّو إي بدّن…..

قلتلن أنا ساعتها……

” بسّ…. ليسقط النظام الطائفي….

 لازم تنزلوا معنا عالطريق…..”

إذا بتريدو…

يا مين ما كنتو…عم تقروا هالرسالة….
هيدا  النظام اللّي عايشين في…ما بيسوى…..

تيصير بيسوى …لازم نغيروا….

ولنغيروا…. بدنا ….هيه…

نعمل شويّة جهد…..

بدنا ننزل عالطريق…لمّا يكون في مظاهرة…

ولمّا يكون في مظاهرة….

بدنا ننسى الرقص….والبيوت…..والقهوة….والتلفزيون….

والسينما…..والمشاوير….والغدوات… والعشوات…وطقّ الحنق…..

بدنا…. بسّ ننزل عالطربق……

يمكن تقولوا إنّو المظاهرة ما إلها طعمة وبلا فايدة…

أنا بقلكن إنّو مبلا …المظاهرة إلها فايدة…

بسّ فايدتها ممكن تكون “مو ظاهرة” من أوّل مرّة…

مرّة عمرّة…بتبتبيّن فايدتها….

زيّاد الرحباني بزماناتو قال:

“شايفوا عالنظام مش عم يمشي …غيّرلو النظام….

بركي إذا غيّرتلّوا بيمشي….عالنظام”

إي بسّ ت نغيّرلو النظام…..

لازم إنتو تنزلوا عالطريق…. بإنتظام…..

والنزلة المقبلة عالطريق هيّي ب 20 آذار….

ف…همّوها….

إحترماتنا…

johnnyhage

View all posts

Add comment

Leave a Reply to johnnyhage Cancel reply

Your email address will not be published. Required fields are marked *

  • …. love it .. ta3abire jayyideh w 2afyeit ma btefham … ba3ref ennak ma naterneh ellak hal eshya ya te2berneh bass … ma fini … bass law el nazleh b 20 $ badal 20 mars keino nezlo malyouneyn .. walla la2 ??