fbpx

إجاني ميساج عتلفوني…

أبهرني……

سطّلت….وبرزقت عيوني…..

وصفّا راسي عم يشتغل بشكل مستعجل…..

لأنّو…..على ما يبدو…..

في….في…في….شي….مش…مش……

عم يقدر راسي يستوعبوا……

أو…أو….يهضموا بركي ما بعرف….

وصلني ميسّاج مستعجل…..يعني….

الساعة تسعة عشيّة وصل…

شوف لأيّ درجة….

إنّو ما…مش قادرين ينطروا الجماعة ليطلع الضوّ…

هيدا الميسّاج بيقول:

“المفرومة بقر….الكيلو صار ب 6900 ل.ل.

وافخاد الدجاج ….3 كيو ب 9990 ل.ل.

عند سوبرماركت إدريس بالحمرا”…..

مشكلة هيدي…..مشكلة كبيرة هيدي…..

إذا كلّ ما وطي سعر سلعة عند عمنا إدريس…..

لازم  أنا ينبّهوني عتلفوني…؟

لأ…في مشكلة هون…

وهيدا مش داري فيه لإدريس أنا ….

ولا فايت لعندو حتى……

وبيناتنا….حابب إنّو وصلّو إنا …

ويمكن هيدا شي ما رح يعجبوا…..

بسّ…

متل إجري أنا ….المفرومة بقر وفخاد الدجاج كمان….

بسّ ليعرف يعني…..

لأنو هيئتوا مبسوط عم شولح…

ميساجات يمين شمال….

أه…..

ليكو وهيئتو الCOOP

مش أحلى منّو مصفّى….

لأنوّ وردني الآن إنّو:

“وقيّة البنّ ب 1900 ل.ل.

وكيلو الباذنجان المدعبل ب 450 ل.ل.

و100 ظرف شاي ب 4500 ل.ل.

من 17 حتّى 20 أكتوبر عند ال COOP”

حلو….كتير حلو…..

فظيع مش بسّ حلو…..

 بركي لازم إفتحلي شي “وكالة أنباء للسوبرماركات” أنا…..

إي ليش لأ….

هيك هيك المعلومات عم تجي منّها لحالها….

إحترماتنا…..

johnnyhage

View all posts

Add comment

Leave a Reply to rania el helou Cancel reply

Your email address will not be published. Required fields are marked *