fbpx

First published on Facebook on Wednesday, August 19, 2009 at 9:50am

وأنا بكل قلب مفتوح…رايح قال بدّي إلعب فوتبول…


بدّي إلعب…ومحمّس……ومحضّر حالي نفسيّاً…
وجسديّاً…وبدنيّاّ…وعقليّاً…وروحيّاً…..


رايح أنا وزملائي بالشغل الجديد……
ومبسوط إنّو بالجامعة الأميركية في ملعب محترم….
وكلّو حشيش أخضر…..ومزيّح بشكل طبيعي….
ومحضّر لئلنا خصوصي…..لنتمتّع بالفوتبول…..


كنت ناسي أنا……أو بالأحرى تناسيت أنا….
إنّو صرلي 4 سنين مش هازز قفايي…..
وصرلي 3 سنين عم دخّن بهالسواغير…..
وما بعرف كم سيغارة مدخّن…لأنّو ما عدّيتن…..


وناسي أنا إنّو انسيت تماماً…شو يعني فوتبول…..


وبكل قلب مفتوح…رايح قال بدّي إلعب فوتبول…


وهيّي كانت…..
ربع ساعة مش أكتر……
طلعت روحي…..
قلبي فتح أكتر من ما كان مفتوح……
سكّو ركابي……
حردب ضهري…..
صارت إجري اليمين عم بتشدّ بإجري الشمال….
وكلّ إجر فاتحة عاحسابها ومش عم يتّفقو مع بعض…..
وبين كلّ فترة وفترة..
بيطلع من زلعومي كبتولة صفرا…تُعرف ب”البلغم”…..


…ما بدّي قرّفكن أنا …لكن هيك صار…

وصفّيت عم لولح بيني وبين حالي…
لا قاشع قدّامي …ولا قاشع ورايي….
ولا داري وينيّي الطابة الزرقا…..
ولا مين عم يربح….
ولا حتّى فرقاني معي…..


لكن اللّي بذكرو مظبوط….
إنّو كنت قاعد…مش واقف…
وعم كرفت وسبسب….
لكلّ شي إلو علاقة بالريّاضة… وبالدخّان…..
وبالسواغير….وبالبلغم…..وبالحشيش الأخضر…
وبالطابة الزرقا…..وبالفوتبول….


…إحتراماتنا….

johnnyhage

View all posts

Add comment

Leave a Reply to mireille Cancel reply

Your email address will not be published. Required fields are marked *