كذبة أّول نيسان

مبارح تركت البيت نصّ مطفي…..
لأنّو ما كنت نايم مظبوط قبل ب ليلة…..
أنا وعم سوق السيارة عالشغل…..
وعم بشرب كبّاية النسكافي…..
وعم دخّن سيغارة…بالإيد….
اللّي مش لاقط فيها الديركسيون…..
(هيدي كانت قبل ما وقَف دخّان اليوم الصبح….
للمرة العشرين بحياتي….)
بدقّ السيلولير…..

ردّيت….

طلعت إمّي عم بتدقلّي…لتذكّرني إنّو
اليوم (يعني مبارح) كان أّول نيسان…..
قالتلي: “إنتبه …أوعى حدا يعمل فيك شي ضرب زنخ….”

أناّ….بطبيعة الحال….جدّاً سررت….
لأنّو إمّي نبّهتني….
ولأنّو…..أكيد أكيد…..أنا….
منّي لحالي ما كنت رح إتذكّر…..
وسررت أكتر…
لأنّو صار فيني أعمل ضرب بزميلي….
لأنّو أكيد أكيد…هوّي كمان رح يوصل عالشغل….
تلات ارباع مطفي…..

وصلت عالشغل……
وضلّيتني رايح دغري عالمطبخ لأعمل قهوة سريعة…
قلت انا بركي بوعا… وبفكّر بشي كذبة مرتبة…
فجأة…..
كان بعد ما صرلي دقيقة بالمطبخ….
وكان بعد ما فكّرت بشي….
بشرّف زميلي عالمطبخ… متل العادي….ومتلي….
تلات ارباع مطفي….

هون أنا بتلبّك…..
وبنعجق بحالي…..وبصير نبّش شو لازم قلّوا….
أوّل شي طلع عراسي كان:

“طلعلي حبّة كبيرة بطيزي”…

“شو؟…العما…..معقولي؟…..جوني…..
ولك ليش عم بتخبّرني هيك شي”….
هيك هّوي جاوبني…..

لاحظت ساعتها إنّو هيدي الكذبة…
فاشلة جدّاً…
وما رح تمرق عليه….
وأكيد يعني… مش رح يهتمّ فيها…
وأصلاً أصلاً… هيدي كذبة ما إلها عازي بالأساس…
وسميكة كمان…

قلتلّوا أنا ساعتها: ” هيدي كذبت أوّل نيسان…
كان بدّي أعمل فيك ضرب…ولأنّي  بعدني مطفي اليوم…
هيدا كلّ شي طلع معي”….

وانتشرت الخبريّة بالمكتب….
وصاروا كلّ زملائي….
يجوا… مداورةً….
ليخبروني إنّو عرفوا بكذبة أوّل نيسان…
تبع محسوبكن…..
وخود بقا ملاّ جرسة….

إحترماتنا….