fbpx

كان صرلا…شي اتمنتعشر دقيقة عم تحكيني…..

ومعجوقة بحالا….

وعم تحكي من قلبا….

وأنا كنت معجوق بحالي…

ومش معا….

مش عم بسمعا….

معجوق بحالي….

وإجري اليمين عم بتهزّ…بسرعة 10 كلم بالساعة….

 ف….قلتلّها:

“بتعرفي….مش مرتاح….

حامل شي عشرين بطّيخة بإيد وحدة….”

قالتلي:

“حلّ عنّي…..”

“ما فهمت”….

هيك ارجعت قلتلّها….

“ما فهمت”….

قالتلي:

“حلّ عنّي…وما تفوّتني بمتهاتك…..

طلع شعر ع لساني وأنا قلّك…روء….

اتفضّل…حطّلّي هالبطّيخات من إيدك….

واحمول بطّيخة…بطّيخة….”

قلتلّها:

“ولك عارف أنا إنّو لازم إحمل بطّيخة….بطّيخة….

بسّ مش قادر…

مش قادر حطّ هالبطيخات….وإفلشهن عالطاولة قدّامي….

ونقّي أيا وحدي منّن بدّي إحمل….

إنتِ عارفي شو صعبي العمليّة…إنّو نقّي بطّيخة من عشرين؟

هوديكي التسعتش….شو بعمل فيهن؟….بتركن؟…..”

قالتلي:

“ولك يا عمّي بركي فيلو شي بطّيخة معفنة بين هالبطّيخات…

وطالعة ريحتها….وإنت مش قاشعها بقا…قد ما صرت حامل بطّيخ….”

قلتلها:

“لأ…لأ…مش قادر”…

رجعت قالتلي:

“بس ما بصير هيك….

كيف بدّو يكون معك وقت لئلي؟

ولك مزال بحكيك…مابتسمعني”….

قلتلها:

“بتعرفي شو بعتقد….

بعتقد…

 بعتقد إنّي خيفان…

 من إنّو إذا بحطّ هالبطيخات من إيدي…

رح صفّي معجوق فيكي….

لدرجة إنّو….

يا محلا عجقة البطّيخ….

خيفان صفّي معجوق فيكي….

لدرجة إنّو… ترجعي لمّا تحكيني… ما إسمعك”…

حرام…

لشو…

حرام أنا… وإنتِ حرام كمان….

إحترماتنا….

johnnyhage

View all posts

Add comment

Leave a Reply to mirellaroumy Cancel reply

Your email address will not be published. Required fields are marked *