fbpx

First published on Facebook on Saturday, July 4, 2009 at 2:26pm

كنت طالع من بيروت عالجبل……
لأنّي هلكت من عجقت بيروت…….
ولأنّو صديقي مغادر عأميركا……
وعازمني عالعشا لعندو قبل ما يغادر…..


طلعت لعندو عالضيعة……
“المتين” إسمها…..هيدا إسم الضيعة…
بتصير فوق بكفيّا…
وفوق ضهور الشوير كمان….


عشيّة كانت……صوب الساعة تسعة…..


صرت طالع بالطلوع….
لحتّى وصلت عنقطة……
وقِفتْ….


ما عدش فيني إقشع قدّامي……


كلّ الدنية عتمة……وما في ولا نقطة ضوّ…..
لا ضوّ بلديّة …..ولا ضوّ موتور ……ولا أيّ ضوّ..


ضوّا راسي….


ضّوا راسي… لغطّى عضوّ السيّارة……


وصارت كلّ سيّارة تقطّع عنّي…
.شوف فيها شي تلات أربع روس مضوّاية…..
مضّواية…وضوّا مغطّى عضوّ السيّارة….
هون أنا نوّرت الدنية قدّامة….
وسحبت بهالطلوع…..


فشكراً لدولتنا الكريمة……
لأنّو لاقت طريقة توفّر فيها كهربا….
وبدل ما تضوّي الطرقات…..
نجحت إنّو تضوّي روس العالم عالطرقات…


وبتقلولي ما في دولة؟…..
شو بدكن أنور من هيك دولة؟…….


إحتراماتنا….

johnnyhage

View all posts

Add comment

Your email address will not be published. Required fields are marked *