fbpx

أنا كان بودّي إكتب شي غير هيك باوّل ال 2011….

لكن سائبت…إنّي هيك رح إكتب…..

من نتفي استقالة الحكومة بلبنان…..

بيناتنا….. هيدي حكومة كانت؟…..

هيدي كانت….مشروع حكومة فاشل…

مع وزراء… شو بدّي خبّركن يعني…. ولا أفشل من هيك…..

هلّق كانو تلاتين وزير فاشل……

اليوم صاروا تلاتين وزير سابق فاشل……

ما تفوتوني ب 8 أذار و 14 آذار ….

كلّن فاشلين…

وما حدا عارف كيف إنّو يدير هيدا البلد….

كلّن عم بدوروا داير من دار هيدا البلد…

وداير من دار هالبلدان كلها…

إي العما بقلبن دوخونا….

وكترة الدوخان….

بتقدّي ل…لعيان النفس….

والإستفراغ…..

إي….الإستفراغ العشوائي….

لدرجة إنّو صفّينا عم نطرطش عن بو جنب….

بتونس……

ولّعوا حالن…وفلتوا عالطرقات….

بالجزائر….

فقعوا….نزلوا عالطرقات…..

من المتوقّع ب موريتانيا….

إنّو يبجّوا بكرا…وينزلوا عالطرقات….

.

بالأردن…

مترمين البججان لنهار الجمعة….ليفلتوا الجماعة….

نحنا…بلبنان……ما رح نعرف نبجّ بقا…..

ولا صفّوا معيّرينا… وما منبجّ….

إلاّ لما 8 و 14 بدّن يانا إنّو نبجّ…..

بس لخبرّكن إنّو إذا ما بجّينا…..

رح يرجع يجي لعنّا 30 وزير فاشل جديد….

على الأرجح هنّي زاتن…

مع شويّة تغيير شنط (حقائب يعني)…

والبنزين….رح بضلّوا ساحب طلوع….

والكهربا رح بيجي عبالنا إنّو تجي…..

رح منصفّي إنّو عم نشتقلها أكتر….

ربطة الخبز…رح ببطلّ إسمها ربطة خبز….

رح بصير فيها رغيف واحد لا غير…..

وبدل حليب البودرة اللّي صار ب 30 دولار…

رح منصفّي عم منروّب حليب النوَر….

فأنا بقترح…..إنّو….

تبجّوا….تفقعوا…..

تفلتوا…..تطرطشوا….

ما بعرف شو بدكن تعملوا…..

بسّ هزّوا طيزيكن …

يحرق حريشكن اعملوا شي…..

ولاّ شو؟….

إنتو كمان قدّمتوا إستقالتكن؟……

إحترماتنا….

johnnyhage

View all posts

20 comments

Leave a Reply to Emilie Cancel reply

Your email address will not be published. Required fields are marked *

  • ولك يا ريت !! بدنا ثورة يا جماعة…. خلص تفتفتت رقبتنا هنّي و يمسحوا فيها الأرض, … العمى شو إنّا شعب جبان

  • ما في شي ما ممكن يصير يا محمّد….كلّ شي ممكن……أنا بوافق ريم.. شعب جبان وتنبل…يحرق حريشنا شو إنّنا تنابل

  • عظيم جدا والله، بس هو يللي ناطرن يبجو تطلعت لقيت قسم عم ياكل سوشي و قسم عم ياخد درينك و قسم آخد غطة…اظن معيّرين 🙂
    ما رح امضيها احتراماتنا رح امضيها : مع كامل اعجابي

    • شكراً جدّاً يا إميلي….. هيئتن معيّرين…ومحيّرين…وقاعدين…ودافيين…ومكنكنين…و… إحترماتنا…..

  • استنكر زجك لإسم الأردن في مقالتك هذه فإن القاصي والداني يعرف ان الحكومة الأردنية بتوجيهات من جلالة الملك قررت يوم أمس الأربعاء خفض أسعار الوقود وبعض السلع الغذائية لتخفيف أثر ارتفاع أسعار الغذاء على الفقراء وقررت تكلف 225 مليون دولار عوضا عن المواطن الأردني فيا ليت الحكومات العربية الآخرى تتعلم من الأردن وترحم مواطنيها

    • انا عم بحكي عن الشعب خيّي نضال……….خفض الأسعار اللّي عم تحكي عنّامن قبل الحكومة مش هيئتها كافية…هيدا مش رأيي الخاص…هيدا رأي بعض الأردنيّي….– وفي رده على تساؤل لـ بالعربية حول أهمية إطلاق المسيرات بعد احتواء الحكومة الأردنية للاحتجاجات الشعبية وتخفيض الأسعار، أضاف محمد سنيد، رئيس لجنة عمال المياومة في المؤسسات الحكومية، أن المسيرات مستمرة “إلى حين تلمس الطبقات الفقيرة والعمالية قرارات ضبط الأسعار بصورة عملية وبما ينعكس على تحسن مستوى المعيشة لديها Read More – ” http://gharaf.com/home/news.php?action=view&id=1516
      Ihtirametna….

  • تحرك الحكومة الأردنية الأخير يجب ان يقابل بإيجابية لإراحة الشعب الأردني من توتير الأجواء ولتفويت الفرصة على الطابور الخامس الذي قد يستغل مسيرات غد

    • هيدا الطابور الخامس ….. كلّ ما دقّ الكوز بالجرّة…..منحطّو بالواجهة…..متلو متل الإرهاب…… يا بيّي شو فعّالين هودي…..هيدي بيسمّوها استراتيجيّة البعبع…..
      مش كلّ يوم بصير في تحركّات شعبيّة…..إذا الشعب منّوش راضي…..مش لازم يخاف من شي….خلّيه يتظاهر خيّي نضال….

  • معك حق خيّي جوني بس أوقات الشعب بينجر ورا شعارات فارغة وبيتظاهر بس تيظاهر وبأضرب بس ليأضرب، المهم تكون الشعوب واعية وتتصرف بطريقة حضارية والمهم الحكومات تحترم حق الشعب بالتظاهر وان ما كان

  • احتراماتنا
    يعني عطول بكزدر بالموقع و بقرأ كل شي بتكتبو
    بس هل مرة حبيت اعمل تعليق صغير
    خيي نحن بلبنان ما فيك مثلن وزارة العدل تعطييا لواحد بيفهم فيها
    و لا الاتصالات تعطييا لمهندس عندو خبرة او شاغل شي مهم ب حياته
    بتكون هيك عم بتخالف مشيئة الله لانو الله بدو المسلم ياخد الحكومة و المسيحي الجمهورية … نحن شعب ما منستاهل نعيش او حتى حكام بيفهموا
    خلينا هيك خيي