شكراً…عن جدّ شكراً…

اليوم…أنا حابب شخصيّاً إنّو…..
إشكر “الوزير زيّاد بارود” على المبادرة والمجهود الحلو…
يللّي قام في….بناءً على طلبي وتمنّياتي…..

أنا….ب 15 نيسان…..كتبت نداء…..
مش لحدا…..بنعي فيه… وبتسائل فيه….
إذا ضروري يعملوا الإنتخابات النّيابيّة ب 7 حزيران….
وإذا ضرويري يمنعوني ….عيّد…أنا…. ب 8 حزيران….
….لأنّو بهيدا النهار.. بيكون عيد ميلادي…

النداء فيكن تقروه عالعنوان التالي:

فأنا اليوم بدّي إشكر معالي الوزير….
لأنّو سمعلي….
وطلع عالتليفيزيون….
وأقرّ إنّو 8 حزيران رح بيكون…
نهار فرصة لكلّ اللّبنانيين….

هلّق أنا بفهم ..
إنّو هوّي مجبور يقول إنّو هيدا القرار طلع….
ليسمح لللّبنانييّ يرتاحوا…من بعد يوم إنتخابي طويل….

إي شي طبيعي بدّو يقول هيك…

اتخايلو يعني….
هوّي وقايلكن إنّو القرار طلع…ليسمح ل” جوني الحاج”
إنّو يعيّد عرواء….

إي لأ…ما في….

لكن أنا متأكّد…متأكدّ….
إنّو إنتَ….
قريتليّ ندائي عالفايسبوك يا معالي الوزير…..
وجرّبت تلاقي أنسب طريقة…..
لتخلّيني عيّد….

فشكراً لئلك….
وشكراً كمان….. لكلّ اللّبنانيّي…
لأنّو ب 8 حزيران…..
شئتم أم أبيتم…
رح بتفرصوا….
ورح بتعيّدوا….على عيد ميلادي.

…ف….

إحتراماتنا….