سائبت

مدري كيف…من كم يوم…..
قبل ما نام…..سائبت….إنّي كنت عم فكّر….
هيّ مش دايماً بتسائب….بس من كم يوم….
سائبت….

كنت عم فكّر كيف إنّو الزلحفة
عايشة حياتها عرواق…..
ليكوا شو رايقة الزلحفة…..
وليكوا شو باردة……
وليكوا كيف بتمشي دعسة دعسة
….ع…مهلا…..
ومتل إجرها الدني كلها….

وليكوا نحنا…من تاني ميل…
كيف منركض….ومنركض….
وممنوع حدا يسبقنا….
وبدنا نتحشّر بكلّ شاردة وواردة…..

ولمّا نتعب…..
منقرّر….
..إنّو صار لازم ناخد فرصة..ونرتاح….
إي….مناخد فرصة…
ومنروح منعيش….متل الزلحفة….
وبصير كمان…متل إجرنا الدني كلّها….

فكنت بعدني عم فكّر أنا….
إنّو نيّالها هيدي الزلحفة…..
ويا ريتني أنا…فيني كون متلها….
ويا ريت…بدل ما نضحك عليها…
ونركّب نكت حولها….
يا ريت….منتعلّم منها شي نتفي…

لأنّو إذا هيّي هيك…بتعيش حياتها الطبيعيّة…..
كيف لمّا تقرّر….تاخدلها شي فرصة؟…..

إحتراماتنا….