مبارح كنت عم بحضر ورشة عمل….
عن المبادرات الإجتماعيّة أو إذا بدكن بالإنكليزي بيسمّوها
“سوشال أنتربرنارشيب”….هيدي P بالآخر…مش ….B
فطلب منّا المحاضر….”جيلبير” كان إسمو….
وبعدو إسمو “جيلبير” عفكرا….
طلب منّا انخبّرو عن المخاطر أو ال”ريسك”…
اللّي أخدناها بحياتنا…..
طلعلو شي 10 أشخاص من 18 شخص….وجاوبوا…
إنّو “العيشة بلبنان”….هيّ “ريسك” جدّاً كبير مش شويّ….
وكلّ ما كان يطلع حدا يجاوب هيك جواب….
كانت المجموعة عم تضحّك…عأساس إنّو جواب مهضوم…..
بسّ إنّو إذا بتفكروا فيها….
العيشة بلبنان…عن جدّ “ريسك”…..
مش بسّ “ريسك”…”ريسكات”..
هلّق بدكن تقولولي…..إنّو مش “ريسك” تعيش ببلد…..
ما بتعرف أيمتا بتنقطع فيك الماي…إنت وعم تتحمّم….
وملحّف بالصابون…. وما بعدش فيك تكفّي حمّام…
إلاّ إذا شرّف السيترن…….
هيدا “ريسك”….
ما بتعرف أيمتا بتكون عالطريق عم بتسوق…
وبيجي كميون..من شي كسّارة….
جايي صحتو….محمّل وزن زيادة يعني….
وفلتانين معو الفرامات بالنزول….
ف…بقشّك…..إنتَ والخليقة….
هيدا “ريسك”….
ما بتعرف أيمتها بتكون آخد فرصة من شغلك…..
بتزور دايرة رسميّة بالدوام الرسمي…
وبتكتشف إنّو الموظّفين… وقّفوا شغل لليوم…
لأنّو هلّق صار وقت يشربو فنجان قهوة…….
هيدا “ريسك”….
ما بتعرف أيمتا بتكون نازل شغل عالكموبيوتر بالليّل….
لأنّو لازم تسلّم مشروعك قبل ما يطلع الضوّ…
وإذ…بتنقطع الإنترنيت…
وتاجر الإنترنت ولا ممكن يردّ عليك قبل ما يطلع الضوّ….
هيدا “ريسك”….
ما بتعرف أيمتا بتكون نازل ب”الأسوسنير”……
ب بناية شي 10 طوابق……
حتّى تنقطع فيك الكهربا..بنصّ الطريق….
إنتَ وعالخامس يعني….
ولا تلبّد ما في حدا…..
“هيدا ريسك”….
ما بتعرف أيمتا إنتَ وسايق….
بتغطس ب”الخندق الغميق”……
مش هالمنطقة بالتحديد…..
تقريباً بكلّ شارع في عنّا خندق غميق……
“هيدا ريسك”…..
ما بتعرف أيمتا بتطبّ عليك بناية….إنت وماشي بالصدفة…
بشارع مقتظ بالبنايات الطالعين بشكل عشوائي…
“هيدا ريسك”…..
ما بتعرف إذا بدّك تلعب ماتش فوتبول…
أيا لون لازم بتلبس…..
أزرق…أصفر…أخضر….أحمر….برتقالي….شو؟
تما فريقك ينحسب عفريق….
إي “هيدا ريسك”…
ومن بعد ما يخلص ماتش الفوتبول…
ما تقوم شي رصاصة طايشة…..تهتدي عراسك…..
لأنّو في عالم بلا راس….عم تحتفل بالكلاشنكوفات….
وعم بتطرطش….
“هيدا ريسك”…..
ما بتعرف أيمتا بيطلع القرار الظنّي……
“هيدا ريسك”…..
والله شغلة هيدي……
ليك كم “ريسك” ب “ريسك” فيه……
يعني كان لازم جيلبير…. يغيّر السؤال نتفي…
وما يسألنا عن وجود “الرسيكات” بحياتنا…..
هوّي كان أفضل لو سألنا…
عن إذا حياتنا…. بعدها موجودة تحت كلّ “هالريسكات”…..
عرفتو كيف؟….
إحترماتنا….
ya johnny lezim tchouf l2ossas mnl cote positif. holeh l riskeeeeeeetttttttt 3emlo mn llebneh chakhess 7arbou2 w zakeh w kif ma tzetto byejeh we2if. so mch mine ma ken fi ykoun lebneneh… It’s a privilege 🙂
eh ma khtakafna haydol l risket 3emlo l lebnene shakhes 7arbou2 b balad fi 3endo potentiel ykoun 7arbou2, barrat lebnen ya3ne !! shla2t kif ?!?! 😉
enno ma fike tshoufe cote + lamma ton2oti3 3layke l may, w mghattake l saboun, aslan b hl 7ale ma fike tshoufe bl marra !!! lol
Jouhayna…..ana bisara7a bwefi2 Layal kulliyan…..wlik ana 2add ma kent shouf min cote positive…sare ma3i bil cote positive walla……halla2 sirt 3am rikk 3al cote negative….bima2inno el positive ma3edtesh mbayyneh…..ya3neh ya3teek el el3afyeh….wkil “privilege” w inti bkheir…..Ihtirametna….
3a faw2a Johnny, jayyde 😉
Shoukran ….. 😉
hi Johnny i really enjoyed ur presentation at AUB it was entertainign and i can say that ur blogs are one of a kind…..i love ur blog post up there …keep it up and IHTIRAMITNA 🙂
Thanks talariz….thanks a million for sharing…your comment is really empowering……ihtirametna
hello!
I really enjoyed ur presentation at AUB unfortunately i do not read arabic so it would be cool if you posted some articles in english!
I think you will have more viewers on ur blog!
Thanks Lea…I really appreciate it…. well….i know that i am limiting myself to only Arabic readers, and mainly lebanese readers….but i am able to express myself best in the Lebanese Language….i need though…to work on myself more….if i decide to post in English……If this happens…. i know for sure that i wont be regular english, but rather english with a twist….we’ll found out in the future if i’ll be led into this direction…..anyways…..thanks a million for sharing…w…ihtirametna….
[…] ريسك ينطح ريسك Ihtirametna […]