fbpx

من شهر….

كتبت شغلة صغيرة جدّاً….

عن موضوع تافه…..

وفت نمت…..

لمّن قمت من النوم…..

لقيت تيليفوني عم ضوّي

ليعلمني إنّو حدا علّق عشو كتبت….

جيت إقريت شو هوّي التعليق…..

وإذ……

بظّوا عيوني لبرّا…..

وسكّو اركابي فرد مرّة……

العما….

قشط ضغطي…

صار قلبي يركض بسرعة خياليّة…..

 شو بدّي خبركن…يعني لو بعدها الرادارات ماشية بالبلد….

أنا أكيد إنّو ما كانوش لقطوه يمكن….

و…ضوّا راسي…وصفّى مضوّا مع تيليفوني…..

وارتفع مستوى الأدرينالين بدمّي….وصار ساحب طلوع….

وكمان….قشط ضغطي…

وانربط لساني….وصفّى معقود بابيونة…

طلعلي اتنين….شي بخوف….

علّقوا عشو كتيت…بأسامة مستعارة…..

 كيف بدّي حطّلكن ياها….

إي….فظّعوا…..

جابوا سيرة….بييّ….وإمّي…..وإختي…..

وعيلتي…وسليلتي كلّها….

وجابوا سيرة طولي….وعرضي……

ومؤخّرتي…..ومؤدّمتي….

وجنسي…. وجنسيتي……

وجابو سيرة شي تلات أربع حيوانات….

وربطوهن بطريقة وبأخرى فيّي…..

أفحموني بتنبّؤاتن…..

وخبّروني عن شو ناطرني بالمستقبل…..

وجابو سيرة طبختين تلاتي….من ضمنن الكبّة المفرومة….

لدرجة إنّو سدّولة قابليتي…..

سدّولي قابليتي….

وطلبوا منّي إنّي سدّ بوزي…..

يعني…هودي التنين….

يا ريتن ما بكونوا بديار حدا……

يا بيّي شو بشعين…..

أنا لا شفتن ولا إنّو بعرف شكلن كيف….

لكن اللّي اعرفتوا… من حديثن..

ومن أساميهن المستعارة….

إنّن بشعين…

مش بسّ بشعين….

بقرّفوا….

وحريّة الراّي والتعبير….

هيدي مش مارقين من حدّها هنّي……

ولا بيمرئوا….

وبكرا…أو اللّي بعدو…..

…..إذا صرلي شي….

لاسمحاللّه….لو سمح اللّه……

بركي إنّو بالأمليّة…..يعني….

ضلكن إنتو…اذكروني بصلواتكن…..

لأنّو…. بعتقد….إنّي….

رح ضلني إكتب…ونظّر…وعلٌّق…..

ورح ضلني اطوشكن ب……

إحترماتنا…..

johnnyhage

View all posts

Add comment

Leave a Reply to mahnaz Cancel reply

Your email address will not be published. Required fields are marked *