حبّة

فيني أعرف ليش الله خلقني هيك؟….

فيني أعرف المنطق….ورا إنّو ليش لازم آكل عالقليلة…
تلات مرّات بالنهار…..وإلاّ…. بنهار؟….

فيني أعرف المنطق…ورا إنّو ليش لازم آكل كلّ يوم بيوموا؟

في حدا يفسّرلي…ليش بعد ما اخترعنا هال”حبّة”؟

هينة يا جماعة…
حبّة…
حبّة وحدي….
فيها كلّ شي فيتامينات، وبروتينات،
وكاربوهايدرايت بيطلبن جسمك
فيها كلّ إنواع الطاقة والسكّر والميّ…

حبّة بتاخدها كلّ نهار أحد عشيّي… قبل ما تنام…..
وبتضاين أسبوع كامل.. للأحد اللّي بعدوا…..

في أحلى منّها؟…
وخدلك عتوفير وقت..
عالترويقات، وعالغدوات وعالعشوات…
ووعالعصرونيّات…وعالتلقمشات….وعالفجعنات  ….
ومش بسّ توفير وقت…توفير تفكير كمان….
تفكير عن شو بدنا ناكل…وكيف بدنا ننوّع بالأكل…

هلّق معقولي صرتو عم بتبحثوا….
كيف ممكن تعمروا بيوت عالقمر….
وكيف ممكن تستخرجوا ميّ على ال”مون”
وبعد ما حدا خطر عبالوا يفبرك هالحبّة؟….

ولك حبّة…

اتفضّلوا اخترعوها بقا….
ولمّا تفبركوها…..
إي….تبقوا اندهولي….

إحتراماتنا…