fbpx

مبارح كان آخر نهار شغل ….قبل الأعياد….

ف…اجتمعنا بالمكتب أنا وزملائي…..

لنتغدّا ونعيّد سوا….

تغدّينا…..ومن بعد الغدا….

وحدي من زميلاتنا….منّاش لبنانية…

يابانيّة هيي…. من اليابان يعني….

 جاية وجايبي معها بوظة…..للتحلاية…

صرلها هيّي أكتر من عشر سنين عايشة بلبنان….

ولبنانيّتها بعدها عقدّها….

بودّها تتعلم لبناني…

لكن اللّبنانييّ مننش عم يسعفوها….

لأنّو لمّن يشوفو شكلها ياباني….

بيجو حكو معها بالإنكليزي….مش باللّبناني….

فطلعت البنت فحلة بالإنكليزي…

لكن هيّ بينها وبين حالها….

بعدها عم بتحاول تركّ عحالها لتتعلّم لبناني…

هلّق جايي هيّي ومبسوطة….

وجايبة معها عالمكتب جاط…

في بوظة….

في بوظة ع مغلي…..

بوظة ع مغلي؟

أنا صرلي أكتر من 28 سنة لبناني….

وما معيش خبر إنّو في شي إسمو بوظة عمغلي…..

 فسألتها أنا…قلتلها بتعرفي شو يعني مغلي؟….

قالتلي هيّي بالإنغليزي..أكيد…..

“أي لوف مغلي….إت إذ لايك كنافة أند بوظة

I love Meghli, it is like knefeh and bouza”…

قلتلها: “أنا بعرق شو هوّي المغلي….

بسّ إنتِ بتعرفي شو يعني “مغلي” باللّبناني؟”

قالتي: “لأ..”

قلتلها: “إي… بعرف…

مغلي يعني boiling….

وبوظة…يعني متلّج…..freezing يعني

وبوظة ع مغلي….يعني إنتِ هلّق عم تاكلي……

Freezing  ع  Boiling…..

عرفتي كيف؟….”

اتطلّعت فيّي هييّ وسطّلت….

وضلّت مسطلة شي دقيقتين…تلاتي…

عم بتجرّب تفهم شو قلتلّها….

رجعت دغري قلتلّها:

“ليكي…

طالما نحنا عايشين بمجتمع إستهلاكي…

طالما في عالم رح بتضلها عم بتحكّ راسها….

لتفبرك اختراعات جديدة….بتسطّل….

لتجي العالم اللّي متلي واللّي متلِك…

تسطّل وتشتريها….

متل ما صار فيكي هلّق….

ف…ينعاد عليكي…وعليكن جميعاً…..

وخلّينا نشوف سنة الجايي متل اليوم…..

ع شو رح منسطّل…..

إحترماتنا…..

johnnyhage

View all posts

10 comments

Your email address will not be published. Required fields are marked *

  • توخياً للدقة، ما كانت هي يللي جايبة جاط المغلي… كانت بنت غيرا، كمان زميلة لئلنا، وكمان أجنبية نوعاً ما، جايبتلا ياه cadeau… بس اي انا معك… رح يجي وقت يعملولنا في بوظة عصرامي… ومع ابتسامة رح ندل نستهلك…

    ينعاد عليك!

  • enta lly betsattel ya eisteize w ana el mastouly li 3am “estahlekak” …
    btw bi <3 el da7yeh el janoubiyyeh .. 7aret 7reik w heik fi ma7al bi dal 3am yeghli belzaba2en .. 3ando men hal bouza !!!!!
    w kteeeeer taybeh.. bel nesnbeh la 2eleh akid !
    salam

  • ahahahahahahahhaaaa yeb3atlak ya Johnny shu nahfeh hal post….ma byetle2a menno tnein … freezing 3a boiiling looooooooooool

    • booza 3a meghleh fi minno….mitl ma khabbaretni zamilteh….. bi ma77al ismo “SIBON”….bel zouk w bi Sin El Fil……di22i 3al “1515” bya3touki ra2mo……

      iza diyya3ti….khabbrini…..fineh 2e3zmik…..bass intbhi…..ana wa7ad ma byenta2……

      Ihtirametna….