fbpx

كنت ساحب بالسيّارة……

ونازل عالمكتب الصبح…

إشتغلّيّ شي ساعتين…تلاتي….

لمّا وصلت حدّ موقف “شارل حلو”…

بلاقي بيك أب…جديد…سبور….

مصورخ وساحب…ومش قاشع حدا…..

بيقطع عنّي بسرعة لدرجة إنّو

ما عرفت إنّو بيك أب…..

بعدان…بيطرق فرام…..

يعني شو بدّي خبّركن…

قدّيش صرلي أنا مفتّح عيوني عهالحياة….

مش شايف ضربة افرام متل هالضربة….

لمّا وقف….اتبيّنلي

إنّو كان رح بيخبط بسيّارة “بي أم”….

سايقتها مرأة عرواء…وماشية عالشمال….

وهيئتها متيسة ما بدّها تمشي عاليمين…..

فكان رح بيفوت فيها….

وقفوا الباب عالباب……

شي أربع ثواني عم بيعيطوا عبعض…..

قدّام السيّارتين بشي عشر متورة……

كان في كم شرطي دركي……

ناصبين دوريّة سرعة…..

يعني ما فيش عشر متورة…..

بيمشي البيك أب….

وبتمشي وراه السيّارة…..

وبيقطعوا عالحاجز….

متل كأنّوا ما في شي أبداً….

قلت أنا بيني وبين حالي….

حرام بركي نئز…هيدا الدركي….

وبعدوا…ما طلع من النئزة….

ف مرّّقهن….

بقطع أنا عالحاجز….

بأشّرلي بإيدوا عأساس إنّو….

“تفضّل صفّ عاليمين”….

العما…

بصفّ أنا….

بيجي لعندي وبقلّي….

“وراق السيّارة ودفتر السواقة”

بطيلعن…..وبسألوا…..

شو ليش بدّك تعمل فيّي ظبط…..

“مسرع” بقلّي….

“قدّيش كنت ماشي؟” سألتوا….

“خمسة وسبعين”…هيك قلّي هويّ….

قلتلّو…”ولوّ.. خمسة وسبعين عالأتوستراد…

بتسمّيها سرعة…..شو قدّيش لازم إمشي تخمين؟”

“خمسين”….جاوبني….

“مش قليل…خمسين؟” رجعت أنا سألتوا….

قلّي “شو فاتح معي تحقيق…روح اسأل بلديّة بيروت….

هنّي بيعرفوا يجاوبوك”….

وصفّى عم يتمسخر عليّي….وعم يتجولقني…..

من كلّ قلبوا…..وعم يستلزّ…

وعمل فيّي ظبط…..ومضّاني عليّ…..

وصادر دفتر السواقة تبعولي…..

لأنّو كنت ماشي خمسة وسبعين عالأتوستراد….

وهيدا الحيوان اللّي كان مصورخ قدّامي…..

واللّي كان رح يبلع ال”بي أم”…..

ضلّوا مصورخ…

وفلتان…..

فلتان… يبلع حدا تاني….

فيا أهلان…..ويا سهلان…..

فيكن…..ببلد……ما بيسوى…

“ويا للإسف إنّي لبناني

وما في عندي جنسيّة تاني….”

إحترماتنا…..

johnnyhage

View all posts

Add comment

Leave a Reply to Lara Cancel reply

Your email address will not be published. Required fields are marked *

  • Hehe… same thing happened to me last year…. same place… ma tkoun haydi khabriyyti?
    ken fi renault 12 3am bet2atti3 3anni bi nafs el matra7 w miser3a aktar minni bitabee3et el 2amr, bass ma wa22afouwa… yimkin kil siyyarat el saba2 ma biwa2fouwoun…
    w ana toli3 inni meshe 74… wel darakeh alli inno el radar jdeed “taba3 el 2008″… ya3ni ma ma32oul yghalbit…
    wel a7la min heik kif biwa2fak el darakeh: binott 3a noss el taree2 w biwa22if el seyr… w yimkin add ma kenit sari3a el renault 12 (ya3ni alla ma biwa22ef heik siyyara), m starja ywa22ifa w 2al: “het ta nwa22if hal Seat, mish kteer meser3a… shou sayir 3layna?”

  • echia ktir bten2al bhal mawdou3….lezem el 3alam ta3mel 7arake la ywa2fouhon 3end 7addon,batalo me7termine 7adan,bas 3am ydobo masare men el 3alam,wel 3alam ma 3am tet7arak………

  • Hayda balad mish lal mit3almeen, hayda balad lal zo3ran wo bas!
    Sadly fiyo il education mish battal or else kint tafashet min zamain! Shakle 7a 2otfosh kteer soon!