بتذكّر لمّا كنت طالب بالجامعة الأميركيّة بال 2002….
كنت طالب علم متلي متل غيري…..وطالب تغيير كمان….
كنّا بليلة الإنتخابات… نتسكّع شي 2000، 3000 طالب….
ناطرين النتايج…اللي كانوا عادةً يطلعوا ب نصّ اللّيل…..
مبارح….طلعوا النتايج الساعة 9:30 المسا…
وكان في شي 200 راس… بسّ…. ناطرينن….
العما ويننّي…..؟
مع إنّو أنا بعرف…
إنّو عدد طلاّب الجامعة عم بزيد….مش عم بقلّ….
العما ويننّي….؟
واللّي بعرفوا كمان…إنّو إنتخابات الجامعة…..
هيدي إنتخابات أحزاب… مش إنتخابات طلاّب عادةً بتكون….
والأحزاب…بتتبّع سيستام الكاموفلاج…..
على أساس إنّو ما حدا داري بوضعها….عرفتو كيف…
إي…العما ويننّي؟…..
جينا دوّرنا وفتّشنا……
القينا إنّو فيلو شي 2000، 3000 راس….
حاطّين راسن براس هالكومبيوترات…واللابتوبّات….والتيليفونات…..
وعم بتابعوا النتايج بشغف…..عبر التتويت…..
عفواً…يللّي ما بيعرف شو هوّي التتويت….
(بعد في حدا ما بيعرف شو هوّي التتويت؟)…..
التتويت… يا تقبروني جايي من تويتر……
فكانوا الجماعة متسكعين…عضوّ ال سكرين (screen) ونازلين….
تكبيس بالتويتر والفايسبوك……
ويعني متل ما بتوقّع أنا…..
بكرا…. مع الوقت….
بصيروا يصوتوا وينتخبوا…
ويكتشفوا النتايج ويتظاهرو…
ويهَيصوا هالطلاّب….
من البيت…
ويدرسو من البيت..
وينجحوا من البيت……
وبيصيروا يجوا عالجامعة…بسّ ليخادو الشهادة مش أكتر…
ولاّ قلكن…فيهن يبعتولن ياها بالإي مايل…
وهنّي بيطبعوها كمان بالبيت….
وبالآخر….بتصفّي الجامعة…..
محميّة طبيعيّة….
عم بتصوفر………..فيها العصافير……
تويت تويت…تويت تويت……
إحترماتنا………
system kitebtak, 2arib 3a systemi …
bas li bi da77ekni houwii , lle3b 3al kalem …
metl “twitter” w 3safir betzaze2 tweet tweet …
7a7ay . laziz
tweet tweet .. salut .. c’moi ..
johnny .. mensir mnenzal 3a rawa2 2ana w enta welly bi7eb el tabi3a mnetmash w mnet7addas 3a rawa2 … 😉
Ihtirametna,
Ktir jaydi mitil el 3adi.. Bas waynak ma 3am nshufak??
7ata 3a twitter mekhtfi!!
HAHAHHAA!!!
This is not only creative, but true and funny.
King of Wisdom and Wittiness!
Ktir sa7.
Rizalla 3a iyyem el tajjamou3at wel main gate wel oval.
Yalla basita. It’s not ours now so …
beautifully written and hilarious. nice johnny. keep them coming