fbpx

مبارح كان عيد الإستقلال….
وكلّ المحلاّت كانت مسكّرة…
قال…..لتعيّد…..إحتفالاً….

وإنتَ….إذا بتجي بتمسك ولد…..
عمرو خمس سنين……
وبتحكي معو سياسي……

“لأنّو عنّا بلبنان…
فيك تحكي مع إبن خمس سنين…سياسي…..
لأنّو بكون متابع أكتر منّك….
…وملتزم أكتر منّك…..
وبيعرف الشاردي والواردي…..
إنت أوقات…بيكون عندك شغل …فما بتفضى….
لكن هوّي لأ…..هوّي متفرّغ سياسيّاً……”

إي…إذا بتجي بتحكي معو……
بيقدر يشرحلك…
وبالتفاصيل الدقيقة…..
كيف إنّو…..
كلّ طايفة عنّا بلبنان….لأيّ بلد بتميل…..
وكيف إنّو…
كلّ حزب سياسي عنّا….لأيّ بلد تابع…..

فإذا بتريدو…..حدا يشرحلي…….
بأيّ عيد إستقلال…..نحنا عم نحتفل….
وما في عنا ولا طايفة…
وما في عنّا ولا حزب….
عن جدّ…مستقلّ……

خود بقا…..فسّرلي…
إستقلال مين….وإستقلال كيف؟

إحترماتنا…

johnnyhage

View all posts

Add comment

Leave a Reply to aicha al bezri Cancel reply

Your email address will not be published. Required fields are marked *